ବାଲେଶ୍ବର: ଶୋଭାଯାତ୍ରାରେ ଅଘଟଣ । ବାଣ ଫୁଟାଇବା ବେଳେ ମୁହଁରେ ଫୁଟିଲା ବାଣ । ଗୁରୁତର ଅବସ୍ଥାରେ ଯବକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ଵର ଜିଲ୍ଲା ଖଇରା ଅଞ୍ଚଳରେ । ଆହତ ଯୁବକ ଜଣଙ୍କ ହେଉଛନ୍ତି କ୍ଷୀରପଦା ଗ୍ରାମର ଶେଖ ସକରାଉଦ୍ଦିନ ।
ମୁହଁରେ ବାଣ ଫୁଟି ଯୁବକ ଗୁରୁତର
ମିଳିଥିବା ସୂଚନାଅନୁଯାୟୀ ଖଇରା ବ୍ଲକ କ୍ଷୀରପଦା ଗ୍ରାମରେ ଆଜି ଏକ ଶୋଭାଯାତ୍ରା ଚାଲିଥିଲା । ଏହି ଶୋଭାଯାତ୍ରାରେ ଶେଖ ସକରାଉଦ୍ଦିନ ସାମିଲ ହୋଇ ରକେଟ ବାଣ ଫୁଟାଉଥିଲେ । ଏହି ସମୟରେ ରକେଟଟି ଉପରକୁ ଯିବା ପରିବର୍ତ୍ତେ ତାଙ୍କ ମୁହଁରେ ଫୁଟିଯାଇଥିଲା । ଫଳରେ ଯୁବକ ଜଣଙ୍କ ଗୁରୁତର ହୋଇପଡିଥିବା ବେଳେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ସଙ୍ଗେ ସଙ୍ଗେ ସୋର ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଯୁବକଙ୍କ ସ୍ବାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ଵର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ଯୁବକଙ୍କ ଚିକିତ୍ସା ଜାରି ରହିଛି ।
ବାଲେଶ୍ବର, ଇଟିଭି ଭାରତ
