ବାଲେଶ୍ବର: ଗଞ୍ଜେଇ ଚୋରାଚାଲାଣ ବେଳେ 2 ଯୁବକ ଗିରଫ । ଅଭିଯୁକ୍ତଙ୍କ ନିକଟରୁ 65 କେଜି ଗଞ୍ଜେଇ ଜବତ କରାଯାଇଛି । ଏମାନଙ୍କୁ ପଶ୍ଚିମବଙ୍ଗର ପଶ୍ଚିମ ମେଦିନିପୁର ଜିଲ୍ଲା ଦାନ୍ତୁନ ପୁଲିସ ଗିରଫ କରିଛି ।
65 କେଜି ଗଞ୍ଜେଇ ସହ 2 ବେପାରୀ ଗିରଫ
ଅଭିଯୁକ୍ତ ମାନେ ଗଞ୍ଜାମରୁ ଗଞ୍ଜେଇ ନେଇ ପଶ୍ଚିମବଙ୍ଗକୁ ଯାଉଥିବା ବେଳେ ଜଳେଶ୍ବର ଟୋଲ ଗେଟ ପରେ ସେମାନଙ୍କୁ ପଶ୍ଚିମବଙ୍ଗ ପୋଲିସ କାବୁ କରିଥିଲା । ସେମାନଙ୍କ ନିକଟରୁ ଗଞ୍ଜେଇ ଜବତ ହେବା ସହ କୋର୍ଟ ଚାଲାଣ କରାଯାଇଛି ।
ଗିରଫ ଅଭିଯୁକ୍ତମାନେ ହେଲେ ଗଞ୍ଜାମ ଅଞ୍ଚଳର କାହ୍ନା ସ୍ବାଇଁ ଓ ରାମଚନ୍ଦ୍ର ନାହାକ ବୋଲି ଜଣାପଡିଛି। ଗଞ୍ଜେଇ ଚାଲାଣରେ ବ୍ୟବହୃତ ଏକ କାରକୁ ପୋଲିସ ଜବତ କରିଛି । ତେବେ ଏହି ଚାଲାଣ ଧରା ପଡିବା ପରେ ଓଡିଶା ପୋଲିସର କାର୍ଯ୍ୟଦକ୍ଷତା ଉପରେ ପଶ୍ନବାଚୀ ସୃଷ୍ଟି ହୋଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
