ବାଲେଶ୍ବର: ସଦର ଥାନା ଅଧିନ ସିନ୍ଦୁରି ଛକ ନିକଟରେ ଏକ ବାଇକକୁ ଟ୍ରାକ୍ଟର ଧକ୍କା ଦେବାରୁ 3 ଜଣ ଗୁରୁତର ହୋଇଛନ୍ତି । ଆହତଙ୍କ ମଧ୍ୟରେ ଜଣେ 5 ବର୍ଷୀୟ ଶିଶୁ ଥିବା ଜଣାପଡିଛି । ଆହତ ମାନଙ୍କୁ ପ୍ରଥମେ ବାଲେଶ୍ବର ଓ ପରେ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ସେମାନଙ୍କ ଅବସ୍ଥା ବର୍ତ୍ତମାନ ସଂଙ୍କଟାପନ୍ନ ଥିବା ସୂଚନା ରହିଛି ।
ଘଟଣା ଅନୁସାରେ ସାରଗାଁ ଅଞ୍ଚଳରୁ ଗୋଟିଏ ବାଇକରେ 3 ଜଣ ବାଲେଶ୍ଵର ଆଡକୁ ଆସୁଥିବା ବେଳେ ସିନ୍ଦୁରି ଛକ ନିକଟରେ ଏକ ଟ୍ରାକ୍ଟର ବେପରୁଆ ଭାବେ ବାଇକକୁ ଧକ୍କା ଦେଇଥିଲା । ଫଳରେ 3 ଜଣ ଗୁରୁତର ହୋଇଥିଲେ। ଗୁରୁତରମାନେ ହେଲେ ସଞ୍ଜୀବ ଦାସ, ରବୀନ୍ଦ୍ର ଦାସ ଓ 5 ବର୍ଷୀୟ ଶିଶୁ ଦିନେଶ ମୋଦି । 3 ଜଣ ଗୁରୁତରଙ୍କୁ ପ୍ରଥମେ ବାଲେଶ୍ଵର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେମାନଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଥିବା ଜଣପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ , ଇଟିଭି ଭାରତ
