ବାଲେଶ୍ବର: ଜଳେଶ୍ବର ଅଞ୍ଚଳରେ ଜଣେ ବୃଦ୍ଧ ଶୌଚ ହେବାକୁ ଯାଇ ସୁବର୍ଣ୍ଣରେଖା ନଦୀରେ ବୁଡି ପ୍ରାଣ ହରାଇଛନ୍ତି । ମୃତ ବୃଦ୍ଧ ଜଣଙ୍କ ଶିଖରପୁର ପଞ୍ଚାୟତର ଚାଖରିପୁର ଗ୍ରାମର ପ୍ରତାପ ସାମଲ(୫୫) ବୋଲି ଜଣାପଡିଛି । ଅଗ୍ନିଶମ ଓ ଏନଡିଆରଏଫ ଟିମ ଘଟଣାସ୍ଥଳ ପହଞ୍ଚି ନଦୀ ମଧ୍ୟରୁ ମୃତଦେହ ଉଦ୍ଧାର କରିଛନ୍ତି । ଜଳେଶ୍ବର ପୋଲିସ ସେଠାରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୁବର୍ଣ୍ଣରେଖା ନଦୀର ମହୁଲିଆ ନିକଟରେ ଆଜି ସକାଳେ ଜଣେ ବୃଦ୍ଧ ଶୌଚ ହେବାକୁ ଯାଇଥିବା ବେଳେ ନଦୀରେ ବୁଡିଯାଇଥିଲେ । ଅଗ୍ନିଶମ ଓ ଏନଡିଆରଏଫ ଟିମ ନଦୀ କୂଳରେ ପହଞ୍ଚି ଖୋଜାଖୋଜି କରିଥିଲେ । ସକାଳ ଠାରୁ ଖୋଜା ଆରମ୍ଭ ହୋଇଥିବା ବେଳେ ବୃଦ୍ଧଙ୍କ ମୃତଦେହ ସନ୍ଧ୍ୟାରେ ଠାବ ହୋଇଥିଲା ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
