ବାଲେଶ୍ଵର: ସୋର ଅଞ୍ଚଳରେ ଜିଲ୍ଲା ପ୍ରଶାସନ ଓ ସ୍ବାସ୍ଥ୍ୟ ବିଭାଗର ମିଳିତ ଭାବେ ଚଢାଉ କରାଯାଇ 2ଟି ଘରୋଇ ନର୍ସିଂହୋମରୁ ଅଲଟ୍ରାସାଉଣ୍ଡ ମେସିନକୁ ଜବତ କରାଯାଇଛି । ଲିଙ୍ଗ ନିରୂପଣ କରାଯାଉଥିବା ଅଭିଯୋଗରେ ବେଆଇନ ଭାବେ ରଖିଥିବା ଅଲଟ୍ରାସାଉଣ୍ଡ ମେସିନକୁ ସିଲ କରାଯାଇଥିବା ଜଣାପଡିଛି।
2ଟି ଘରୋଇ ନର୍ସିଂ ହୋମ ଉପରେ ଚଢାଉ,ଅଲଟ୍ରାସାଉଣ୍ଡ ମେସିନ ଜବତ
ଆଜି ଉପଜିଲ୍ଲାପାଳ ନିଲୁ ମହାପାତ୍ର, ସିଡିଏମଓ ବାନାର୍ଜୀ ପ୍ରସାଦ ଛୋଟରାୟ ଓ ସୋର ତହସିଲଦାର ଦେବୀପ୍ରସାଦ ଦାସ ସୋର ଅଞ୍ଚଳର ମିଶ୍ର ନର୍ସିଂହୋମ ଓ ଷଡଙ୍ଗୀ ନର୍ସିଂହୋମ ଉପରେ ଚଢାଉ କରିଥିଲେ। ଅଲଟ୍ରାସାଉଣ୍ଡ ମେସିନ ଗୁଡିକ ବେଆଇନ ଭାବେ ଚାଲୁଥିବା ଜାଣି ସେଗୁଡିକ ସିଲ କରିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
