ବାଲେଶ୍ବର: ବାଲେଶ୍ବର ଜିଲ୍ଲା ବାଲିଆପାଳ ବ୍ଲକରେ ଥିବା ‘ବାମୁଲ ଦୁଗ୍ଧ ଶୀତଳୀ କେନ୍ଦ୍ର’ରେ ଏକ ଦୁଃଖଦ ଘଟଣା ଘଟିଛି । ବାମୁଲ ଦୁଗ୍ଧ ଶୀତଳୀ କେନ୍ଦ୍ରରେ କାର୍ଯ୍ୟରତ ଜଣେ କର୍ମଚାରୀଙ୍କ ବିଦ୍ୟୁତ ଆଘାତରେ ମୃତ୍ୟୁ ଘଟିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ବାଲିଆପାଳ ଥାନା ଅନ୍ତର୍ଗତ କରଞ୍ଜ ଗ୍ରାମର ଅଶ୍ବିନୀ ଗିରି ଆଜି ସକାଳୁ ବାମୁଲ ଦୁଗ୍ଧ ଶୀତଳୀ କେନ୍ଦ୍ରକୁ କାମ କରିବାକୁ ଆସିଥିଲେ । ତେବେ କାମ କରିବା ସମୟରେ ଅଶ୍ବିନୀଙ୍କୁ ବିଦ୍ୟୁତ ଆଘାତ ଲାଗିଥିଲା । ବିଦ୍ୟୁତ ଆଘାତରେ ଅଶ୍ବିନୀ ସଜ୍ଞାହୀନ ହୋଇ ପଡିଥିଲେ।
ବାମୁଲ କମ୍ପାନୀର ଅନ୍ୟ କର୍ମଚାରୀ ମାନେ ଅଶ୍ବିନୀଙ୍କୁ ସଜ୍ଞାହୀନ ଅବସ୍ଥାରେ ବାଲିଆପାଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ତୁରନ୍ତ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
