ବାଲେଶ୍ବର: ବର୍ତ୍ତମାନ ପିଆଜ ଦର ଆକାଶ ଛୁଆଁ ହୋଇଥିବା ବେଳେ ଲୋକେ ଘରକୁ ପିଆଜ କିଣି ନେବା ପାଇଁ ଡରୁଛନ୍ତି। ଏମିତିରେ ଆଗକୁ ନୂଆବର୍ଷ ଆସୁଥିବାରୁ ମୋବାଇଲ ଦୋକାନୀ ଗ୍ରାହକଙ୍କୁ ଆକୃଷ୍ଟ ପାଇଁ ପିଆଜ ଉପହାର ଦେଉଥିବା ଦେଖିବାକୁ ମିଳିଛି।
ମୋବାଇଲ କିଣିନ୍ତୁ, ମାଗଣାରେ ମିଳିବ ପିଆଜ
ବାଲେଶ୍ଵର ସହରର ସିନେମା ଛକରେ ଥିବା ଏକ ମୋବାଇଲ ଦୋକାନରେ 10 ହଜାର ଟଙ୍କା ଉପରକୁ ମୋବାଇଲ କିଣିଲେ ପିଆଜ ଉପହାର ଦିଆଯାଉଛି। ନୂଆବର୍ଷରେ ମୋବାଇଲ କିଣୁଥିବା ଗ୍ରାହକଙ୍କୁ ବିଭିନ୍ନ କିସମର ଉପହାର ଦିଆଯାଇଥାଏ। ମାତ୍ର ବର୍ତ୍ତମାନ ପିଆଜ ସବୁଠୁ ଦାମୀ ଉପହାର ଭାବେ ଗ୍ରହଣ କରାଯାଉଛି। ପିଆଜ ଉପହାର ଦେବା ଦ୍ବାରା ଗ୍ରାହକଙ୍କ ସଂଖ୍ୟା ମଧ୍ୟ ବୃଦ୍ଧି ପାଉଥିବା ଦୋକାନୀ କହିଛନ୍ତି। ଏନେଇ ଆମ ପ୍ରତିନିଧି ଗ୍ରାହକ ଓ ଦୋକାନୀଙ୍କ ସହ ଆଲୋଚନା କରିଛନ୍ତି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
