ବାଲେଶ୍ବର: ଚକ ଖଡିରେ ଯୁବକଙ୍କ ଚମତ୍କାର କଳାକୃତି । ବାଲେଶ୍ବର ଜିଲ୍ଲା ଜଳେଶ୍ବର ନାମ୍ପୋ ଅଞ୍ଚଳର ଯୁବକ ସଞ୍ଜୟ ରାଉଳ ଚକ ଖଡିରେ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ କ୍ଷୁଦ୍ରତମ ପ୍ରତିମୂର୍ତ୍ତି ତିଆର କରି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । ଆଜି(ମଙ୍ଗଳବାର) ସର୍ଦ୍ଦାର ପଟେଲଙ୍କ ତିରୋଧାନ ଦିବସ ଅବସରରେ ସଞ୍ଜୟ ଏହି କ୍ଷୁଦ୍ରତମ ମୂର୍ତ୍ତି ଗଢି ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ଚକ ଖଡ଼ିରେ ସର୍ଦ୍ଦାର ପଟେଲଙ୍କୁ ଶ୍ରଦ୍ଧାଞ୍ଜଳି
ସଞ୍ଜୟ ବାଲେଶ୍ଵର ଚାରୁ ଓ କାରୁକଳା ମହାବିଦ୍ୟାଳୟରେ ଛାତ୍ର ତଥା ପରବର୍ତ୍ତୀ ସମୟରେ ଶିକ୍ଷକତା କରୁଥିଲେ । ତେବେ ପଟେଲଙ୍କ ଏହି ମୂର୍ତ୍ତି ତିଆରି କରିବା ପାଇଁ ସଞ୍ଜୟଙ୍କୁ ପ୍ରାୟ 1 ଘଣ୍ଟାରୁ ଅଧିକ ସମୟ ଲାଗିଛି । ତେବେ ପୂର୍ବରୁ ମଧ୍ୟ ଯୁବକ ଅନେକ ମହାପୁରୁଷଙ୍କ ପ୍ରତିମୂର୍ତ୍ତି ଚକ ଖଡିରେ ତିଆରି କରି ବେଶ୍ ପ୍ରଶଂସା ସାଉଁଟିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
