ବାଲେଶ୍ବର: ଆମ୍ବୁଲାନ୍ସକୁ ବାଟ ଛାଡୁନାହାଁନ୍ତି ଲୋକେ । ଯେତେ ସାଇରନ ମାରିଲେ ବି କମୁନି ଲୋକଙ୍କ ଭିଡ । ଫଳରେ ଘଣ୍ଟା ଘଣ୍ଟା ଧରି ଟ୍ରାଫିକ ଜାମରେ ଫସି ରହୁଛି ଗାଡି । ଏଭଳି ଏକ ଦୃଶ୍ୟ ଦେଖିବାକୁ ମିଳିଥିଲା ବାଲେଶ୍ବର ଜାତୀୟ ରାଜପଥର ଗଳାପୋଲ ନିକଟରେ ।
ପ୍ରତିଦିନ ଏହି ଗଳାପୋଲ ଦେଇ ଶହ ଶହ ଲୋକେ ସୋର ବଜାରକୁ ଯିବା ଆସିବା କରିଥାନ୍ତି । ମାତ୍ର ଅଣଓସାରିଆ ପୋଲ ଯୋଗୁଁ ଅନେକ ସମୟରେ ଟ୍ରାଫିକ ଜାମ ହୋଇଥାଏ । ଆଉ ଏହି ସମସ୍ୟା ପାଇଁ ଗୁରୁତର ରୋଗୀଙ୍କୁ ନେଇ ଯାଉଥିବା ଆମ୍ବୁଲାନ୍ସ ମଧ୍ୟ ଭିଡ ଭିତରେ ଫସି ରହୁଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ପ୍ରଶାସନ ତୁରନ୍ତ ପଦକ୍ଷେପ ନ ନେଲେ ଆମ୍ବୁଲାନ୍ସ ଭିତରେ ରୋଗୀର ପ୍ରାଣ ଯାଇପାରେ ବୋଲି ଅଭିଯୋଗ ହୋଇଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
