ବାଲେଶ୍ବର: ଜିଲ୍ଲା ଖଇରା ଥାନା ଅଧିନ ବହୁ ଚର୍ଚ୍ଚିତ ସ୍ଥାନ ଶାରୀଶୁଆ ପାହାଡ଼ର ୱାଟରଫଲ ନିକଟରେ ଦୁର୍ଘଟଣା । ପାହାଡ଼ ଉପରୁ ଏକ ବିରାଟ ପଥର ଖସି ଜଣେ ନବମ ଶ୍ରେଣୀ ଛାତ୍ରର ମୃତ୍ୟୁ ହୋଇଥିବା ଖବର ମିଳିଛି ।
ଶାରୀଶୁଆରେ ଅଘଟଣ: ପଥର ଖସି ନବମ ଶ୍ରେଣୀ ଛାତ୍ରର ମୃତ
ପ୍ରାପ୍ତ ଖବର ଅନୁସାରେ, ଅନ୍ତରା ଗ୍ରାମର କିଶୋର ଶୁକ୍ଳାଙ୍କ ପୁଅ ପୂର୍ଣ୍ଣଚନ୍ଦ୍ର ନିଜ ବନ୍ଧୁଙ୍କ ସହ ଶାରୀଶୁଆ ୱାଟର ଫଲ ବୁଲିବାକୁ ଯାଇଥିଲେ । ସେଠାରେ ସେ ଗାଧୋଇବା ବେଳେ ପାହାଡ଼ ଉପରୁ ଏକ ପଥର ଖସି ତାଙ୍କ ମୁଣ୍ଡ ଉପରେ ପଡିଥିଲା । ସେଠାରେ ଥିବା ଅନ୍ୟ ଯୁବକମାନେ ତାଙ୍କୁ ବାଇକ ଯୋଗେ ଖଇରା ମେଡିକାଲକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟାକ, ଇଟିଭି ଭାରତ
