ବଲାଙ୍ଗୀର: ଜିଲ୍ଲାର କିନ୍ନରମାନେ ସବୁବେଳେ ଜୀବନ ଜୀବିକା ସହ ସମାଜରେ ସ୍ୱୀକୃତି ପାଇବା ପାଇଁ ସଂଘର୍ଷ କରି ଆସୁଛନ୍ତି । ଏଭଳି ସ୍ଥଳେ ଏମାନଙ୍କୁ ଆତ୍ମନିର୍ଭରଶୀଳ କରିବା ପାଇଁ ସରକାର ନୂଆ ଯୋଜନା ହାତକୁ ନେଇଛନ୍ତି । ଯେଉଁଥିରେ ବଲାଙ୍ଗୀର ଜିଲ୍ଲାର କିନ୍ନରମାନେ ଲାଭ ପାଇପାଇବେ ବୋଲି ଆଶା କରାଯାଉଛି ।
ବଲାଙ୍ଗୀରରେ ସ୍ବିକୃତି ଯୋଜନା ଆରମ୍ଭ, ଉପକୃତ ହେବେ କିନ୍ନର
ଏଥିପାଇଁ ରାଜ୍ୟ ସରକାର ସ୍ୱୀକୃତି ଯୋଜନା ହାତକୁ ନେଇଛନ୍ତି । ଯେଉଁଥିରେ କିନ୍ନରମାନଙ୍କୁ ସଂଗଠିତ କରି ସେମାନଙ୍କ ଦକ୍ଷତା ବିକାଶ, ବ୍ୟବସାୟ ପାଇଁ ଋଣ ବିଭିନ୍ନ ସଂସ୍ଥାରେ ନିଯୁକ୍ତି ଭଳି ସୁଯୋଗ ଦିଆଯିବାର କାର୍ଯ୍ୟକ୍ରମ ରହିଛି । ଏହି ଯୋଜନା ବଲାଙ୍ଗୀରରେ ଶୁଭାରମ୍ଭ କରାଯାଇଛି । ଏହାଦ୍ବାରା କିନ୍ନରମାନଙ୍କୁ ସମ୍ମାନ ସହ ବଞ୍ଚିବାର ଅଧିକାର ମିଳିବ ବୋଲି ଆଶା କରାଯାଉଛି । ତେବେ ଏହି ଯୋଜନା କେତେ ସଫଳ ହେଉଛି ଏବଂ କିନ୍ନରମାନେ କି କି ଲାଭ ପାଉଛନ୍ତି ତାହା ଦେଖିବାକୁ ବାକି ରହିଲା ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
