ବଲାଙ୍ଗୀର: କୋରୋନା ମୁକାବିଲା ପାଇଁ ରାଜ୍ୟରେ ସରପଞ୍ଚମାନଙ୍କୁ ମିଳିଛି ଜିଲ୍ଲାପାଳ କ୍ଷମତା । ଗୁରୁବାର ଏହାର ପ୍ରୟୋଗ କରି ଜିଲ୍ଲାର ଜଣେ ସରପଞ୍ଚ ସାରା ପଞ୍ଚାୟତରେ ସଟଡାଉନ ଘୋଷଣା କରିଛନ୍ତି । ସ୍ଥାନୀୟ ବଙ୍ଗୁମୁଣ୍ଡା ବ୍ଲକ କପିଲଭଟାର ସରପଞ୍ଚ ଚିତ୍ରା ନନ୍ଦ ମହାନନ୍ଦ ଏହି ଘୋଷଣା କରିଛନ୍ତି ।
ଜିଲ୍ଲାପାଳ କ୍ଷମତା ପ୍ରୟୋଗ କଲେ ସରପଞ୍ଚ, ପଞ୍ଚାୟତ ହେଲା ସଟଡାଉନ
ଏହି ପଞ୍ଚାୟତକୁ କିଛି ଦିନ ମଧ୍ୟରେ ଶତାଧିକ ପ୍ରବାସୀ ଶ୍ରମିକ ଆସିବାର ଯୋଜନା ରହିଛି ଏବଂ ଏମାନଙ୍କର ଥଇଥାନ କରିବା ପାଇଁ ବିଭିନ୍ନ ସଙ୍ଗରୋଧ କେନ୍ଦ୍ର ପ୍ରସ୍ତୁତ କରାଯାଇଛି । ତେବେ ଏସବୁ କାମ ସୂଚାରୁ ରୂପେ କରିବା ପାଇଁ ତଥା ଲୋକଙ୍କୁ କୋରୋନାରୁ ରକ୍ଷା କରିବା ପାଇଁ ଏହି ସଟଡାଉନ ଘୋଷଣା କରିଥିବା ସେ ପ୍ରକାଶ କରିଛନ୍ତି । ଏଥିରେ ସମ୍ପୃକ୍ତ ଅଞ୍ଚଳର ସବୁ ଦୋକାନ ବଜାର ବନ୍ଦ ରହିବା ସହ ଲୋକେ ବାହାରକୁ ବାହାରିବେ ନାହିଁ ବୋଲି ସେ କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
