ବଲାଙ୍ଗୀର: ତୁଷୁରା ଥାନା ଅନ୍ତର୍ଗତ ଆଇଁଲା ପାଲି ଗାଁରୁ ଜୀବନ୍ତ ବଜ୍ରକାପ୍ତା ଉଦ୍ଧାର। ଦୁଇ ବେପାରୀଙ୍କ ମଧ୍ୟରେ ଡିଲ ଚାଲିଥିବାବେଳେ ବଲାଙ୍ଗୀର ସ୍ବତନ୍ତ୍ର ଟାସ୍କ ଫୋର୍ସ (STF) ଓ ବନ ବିଭାଗ ଚଢ଼ାଉ କରିଥିଲା । ଘଟଣାରେ ଦୁଇ ଜଣ ଗିରଫ ହୋଇଥିବା ସୂଚନା।
ବଲାଙ୍ଗୀରରେ ଡିଲ୍ ବେଳେ ବଜ୍ରକାପ୍ତା ଉଦ୍ଧାର, 2 ଗିରଫ
ସୂଚନା ଅନୁସାରେ ବଲାଙ୍ଗୀର ଜିଲ୍ଲା ତୁଷୁରା ଥାନା ଅନ୍ତର୍ଗତ ଆଇଁଲା ପାଲି ଗାଁରେ ଏକ ବଜ୍ରକାପ୍ତାକୁ ବିକ୍ରି ପାଇଁ ମସୁଧା ଚାଲିଥିବା ବେଳେ ବଲାଙ୍ଗୀର ସ୍ବତନ୍ତ୍ର ଟାସ୍କ ଫୋର୍ସ ଓ ବନ ବିଭାଗ ଚଢ଼ାଉ କରିଥିଲା। ସେଠାରୁ 11 କିଲୋଗ୍ରାମ ବିଶିଷ୍ଟ ଜୀବନ୍ତ ବଜ୍ରକାପ୍ତା ଉଦ୍ଧାର କରାଯାଇଥିଲା। ସେହି ଗ୍ରାମର ହେମସାଗର ମହାନନ୍ଦ ଓ ଲକ୍ଷ୍ମୀଧର ନାଏକକୁ ବନ ବିଭାଗ ଗିରଫ କରିଛି। ତେବେ ବଜ୍ରକାପ୍ତାଟି କେଉଁଠୁ ଅଣାଯାଇଥିଲା ଏବଂ କେଉଁଠିକୁ ଚାଲାଣ ହେଉଥିଲା ସେନେଇ ତଦନ୍ତ କରୁଛି ବନ ବିଭାଗ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
