ବଲାଙ୍ଗୀର: ମହିଳା ସ୍ଵୟଂ ସହାୟକ ଗୋଷ୍ଠୀଙ୍କୁ ଢାଲ କରି କୋଟି କୋଟି ଟଙ୍କା ଠକେଇ ଅଭିଯୋଗ। ନ୍ୟାୟ ପାଇଁ ଏସପିଙ୍କ କାର୍ଯ୍ୟାଳୟ ଘେରିଲେ ମହିଳା।
ଏସଏସଜି ମହିଳାଙ୍କ ଠାରୁ କୋଟିରୁ ଉର୍ଦ୍ଧ୍ବ ଟଙ୍କାର ଠକେଇ ଅଭିଯୋଗ
ସୂଚନାମୁତାବକ, ମୁରିବାହଲ ଗାଁର 2 ଜଣ ବ୍ୟକ୍ତି ଚନ୍ଦ୍ରମଣି ବଗର୍ତ୍ତି ଓ ଠାକୁର ସେଲମା ଏହି ଠକେଇ କରିଥିବା ଅଭିଯୋଗ ହୋଇଛି। ଉଭୟ ଅଭିଯୁକ୍ତ ମୁରିବାହାଲ ବାଙ୍କେଲ ଓ ମାଲେଶିରା ଗ୍ରାମପଞ୍ଚାୟତର 11ଟି ମହିଳା ସ୍ଵୟଂ ସହାୟକ ଗୋଷ୍ଠୀକୁ ବିଭିନ୍ନ ପ୍ରଲୋଭନ ଦେଖାଇ ତାଙ୍କ ଠାରୁ କାଗଜ ପତ୍ର ଓ ଦସ୍ତଖତ ନେଇଯାଇଥିଲେ। ଏହା ସହ କର୍ମୀଙ୍କ ନାଁରେ ଥିବା ବିଭିନ୍ନ ଫାଇନାନ୍ସ କମ୍ପାନୀରୁ 6 ଥର ଲେଖାଏଁ ଋଣ ଉଠାଉଥିବାର ଅଭିଯୋଗ ହୋଇଛି।
ଏନେଇ ଗୋଷ୍ଠୀର କର୍ମୀମାନେ ମୁରିବାହଲ ଥାନାରେ ଆନ୍ଦୋଳନ କରିଥିଲେ। ହେଲେ ପୋଲିସ କୌଣସି ପଦକ୍ଷେପ ନ ନେବାରୁ ବୁଧବାର ଏସପିଙ୍କ କାର୍ଯ୍ୟାଳୟ ଘେରାଉ କଲେ ମହିଳା। ଶୀଘ୍ର ନ୍ୟାୟ ନ ମିଳିଲେ ଏମାନେ ଆନ୍ଦୋଳନ କରିବେ ବୋଲି ସୂଚନା ଦେଇଛନ୍ତି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
