ବଲାଙ୍ଗୀର: ଜିଲ୍ଲାରେ କୋଭିଡ୍ ସମୟରେ ପୋଲିସ ପ୍ରଶାସନର ଆପାରଗତା ଯୋଗୁଁ ବିଗୁଡିଛି ଆଇନ୍ ଶୃଙ୍ଖଳା ବ୍ୟବସ୍ଥା । ବଲାଙ୍ଗୀର ଜିଲ୍ଲାରେ କୋଭିଡ ଭଳି ମାରାତ୍ମକ ସ୍ଥିତିରେ କେବଳ ପୋଲିସର ଅପାରଗତା ଯୋଗୁଁ ଆଇନ୍ ଶୃଙ୍ଖଳା ବ୍ୟବସ୍ଥା ବିଗିଡି ଥିବାର ଅଭିଯୋଗ ହୋଇଛି । ହତ୍ୟା, ଲୁଟ ଚୋରି, ଡକାୟତି ଗ୍ୟାଙ୍ଗ ୱାର୍ ବୃଦ୍ଧି ପାଇଛି । ବିଗତ କିଛି ଦିନରେ ରାସ୍ତା ଘାଟରେ ଲୁଟ ଡ଼କାୟତି ବଢ଼ିଥିବା ବେଳେ ଚୋରି ମଧ୍ୟ ବଢ଼ିଛି ।
ସେହିପରି ନିକଟରେ ଜଣେ ସୁନା ବ୍ୟପାରୀଙ୍କୁ ତାଙ୍କ ଦୋକାନ ମଧ୍ୟରେ ମାରପିଟ୍, ବନ୍ଧୁକ ମୁନରେ ଜଣେ ଦୋକାନୀଙ୍କ ଠାରୁ ଲୁଟ, ଭଳି ଘଟଣାର ଏଯାଏଁ ପୋଲିସ ଟେର ପାଇନାହିଁ । ସେହିପରି ସହର ମଧ୍ୟରେ ଗୋଷ୍ଠୀ ଆକ୍ରମଣରେ ଦୁଇ ଜଣ ଯୁବକ ଗୁରୁତର ଆହତ ହେବା ଘଟଣା ଚର୍ଚ୍ଚାରେ ଥିବା ବେଳେ ପୋଲିସ ଏଯାଏଁ କିଛି ପଦକ୍ଷେପ ନେଇନାହିଁ । ତେଣୁ ସବୁ ଦୋଷ ପୋଲିସ ଉପରେ ଲୋକେ ଲଦି ଥିବା ବେଳେ ଅବସ୍ଥା ନା ସୁଧୁରିଲେ ଆନ୍ଦୋଳନ ହେବ ବୋଲି କୁହାଯାଉଛି ।
ଗୋଟିଏ ପଟେ କୋଭିଡ ଭଳି ଅସମ୍ଭାଳ ସ୍ଥିତି ଥିବା ବେଳେ ବଢୁଥିବା ଅପରାଧ ଲୋକଙ୍କ ପାଇଁ ଚିନ୍ତାର ବିଷୟ ପାଲଟିଛି । ଏଭଳି ସ୍ଥଳେ ପୋଲିସର ନିଷ୍କ୍ରିୟତା ଏହାକୁ ଦ୍ଵିଗୁଣିତ କରିଛି । ତେବେ ସାଧାରଣରେ ଲୋକେ ପୋଲିସ ପେଟ୍ରୋଲିଂ ସହ ଅପରାଧୀଙ୍କୁ ଧରିବା ସହ ତାଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ନେବାର ଦାବି ହୋଇଛି । ବଢୁଥିବା ଅପରାଧ ପାଇଁ ପୋଲିସର ନିଷ୍କ୍ରିୟତା ହିଁ ଦାୟୀ ଥିବା ବେଳେ ଏ ବ୍ୟବସ୍ଥା ସୁଧାରିବାକୁ ଦାବି ହୋଇଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
