ବଲାଙ୍ଗୀର: ପୋଲିସକୁ ଏକ ବଡ ସଫଳତା । ବଲାଙ୍ଗୀର ପୋଲିସ 2 କୁଣ୍ଟାଲ ଗଞ୍ଜେଇ ଚାଲାଣ ବେଳେ ଧରିବାରେ ସଫଳ ହୋଇଛି । ଜବତ ଗଞ୍ଜେଇର ମୂଲ୍ୟ ପାଖାପାଖି 10 ଲକ୍ଷ ଟଙ୍କା ହେବ ବୋଲି ଅନୁମାନ କରୁଛି ପୋଲିସ ।
ବଲାଙ୍ଗୀର ପୋଲିସକୁ ସଫଳତା: 2 କୁଇଣ୍ଟାଲ ଗଞ୍ଜେଇ ଜବତ
ଶନିବାର ବିଳମ୍ବିତ ରାତିରେ ବଲାଙ୍ଗୀର ମଦନ ଗୁଡ଼ିଆ ବଗିଚା ନିକଟରେ ଏକ ବୋଲେରୋକୁ ପୋଲିସ ସନ୍ଦେହରେ ଅଟକାଇଥିଲା । ହେଲେ ସମ୍ପୃକ୍ତ ବୋଲେରୋ ଗାଡିରେ ଥିବା ଦୁଇ ଜଣ ଘଟଣାସ୍ଥଳରୁ ଚମ୍ପଟ ମାରିଥିଲେ । ପୋଲିସ ଗାଡି ଯାଞ୍ଚ କରି ଦୁଇ କୁଇଣ୍ଟାଲ ଗଞ୍ଜେଇ ଜବତ କରିଛି ।
ପ୍ରକାଶ ଯେ, ଏହି ଗଞ୍ଜେଇ ବୋଝେଇ ଗାଡି ବୌଦ୍ଧ କଣ୍ଟାମାଳରୁ ବଲାଙ୍ଗୀର ଆଠଗାଁ ରାସ୍ତାରେ ଆସୁଥିବା ଜଣାପଡିଛି । ସେହିପରି ଫେରାର ଅଭିଯୁକ୍ତଙ୍କ ପୋଲିସ ଖାନ ତଲାସି ଜାରି ରଖିଛି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ୍, ଇଟିଭି ଭାରତ
