ବଲାଙ୍ଗୀର: ଜିଲ୍ଲାରେ କିଛି ଦିନ ହେବ ରାସ୍ତା ମାନଙ୍କରେ ଲୁଟପାତ୍ ବଢ଼ି ଚାଲିଛି। ଏହିଭଳି ଜଗତସିଂହପୁରର ବି ସ୍ୱାଇଁ ନାମକ ଜଣେ ବ୍ୟକ୍ତି ଟିଟିଲାଗଡ଼ରୁ ବଲାଙ୍ଗୀର ଫେରୁଥିବା ବେଳେ ବିଯାଖମନ୍ ନିକଟରେ ତାଙ୍କୁ 5 ଜଣ ଦୁର୍ବୃତ୍ତ ମରଣାନ୍ତକ ଆକ୍ରମଣ କରି ତାଙ୍କଠୁ 12 ହଜାର ଟଙ୍କା ଲୁଟ କରିଥିଲେ। ଯାହାର ଲିଖିତ ଅଭିଯୋଗ ବଲାଙ୍ଗୀର ଟାଉନ୍ ଥାନାରେ ହୋଇଥିଲା ।
2ଟି ବାଇକ୍ ସହ 3 ଲୁଟେରା ଗିରଫ
ତେବେ ପୋଲିସ ଏହାର ତଦନ୍ତ କରି ସୋମବାର 3 ଜଣଙ୍କୁ ଗିରଫ କରିଛି । ଯେଉଁଥିରେ ବଲାଙ୍ଗୀର କାଳସାଇ ପାଲିର ଅବକାଶ କାଲସାଇ, ଲଲଟିକ୍ରାର ଜିତୁ ଥାଟ ଓ ପୁଇନ୍ତଲାର ସୈାରଭ ପୁତେଲଙ୍କୁ ପୋଲିସ ଗିରଫ କରିଛି। ଏମାନଙ୍କ ଠାରୁ 2ଟି ବାଇକ୍ ମଧ୍ୟ ପୋଲିସ ଜବତ କରିଛି । ସେହିପରି ଫେରାର ଥିବା ଆଉ 2 ଜଣଙ୍କୁ ପୋଲିସ ଧରିବା ପାଇଁ ତନାଘନା ଜାରି ରଖିଥିବାର କହିଛି । ସମାନ ଭାବରେ ପୋଲିସ ଏମାନଙ୍କର ଅନ୍ୟ କୌଣସି ମାମଲାରେ ସଂପୃକ୍ତିକୁ ନେଇ ମଧ୍ୟ ତଦନ୍ତ କରୁଥିବା କହିଛି।
ବଲାଙ୍ଗୀରରୁ ଏସକେ ମହମ୍ମଦ ୱାହୀଦ୍, ଇଟିଭି ଭାରତ
