ବଲାଙ୍ଗୀର: ଜିଲ୍ଲାରେ ଗୁରୁବାର 2 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏଥିସହ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 56ରେ ପହଞ୍ଚିଛି । ଚିହ୍ନଟ 2 ଆକ୍ରାନ୍ତ ଟିଟିଲାଗଡ଼ ବ୍ଲକ ବୁରାବନ୍ଦ ଗ୍ରାମର ହୋଇଥିବା ବେଳେ ଏମାନେ ଗତ 10 ତାରିଖରେ ମୁମ୍ବାଇରୁ ବଲାଙ୍ଗୀର ଫେରିଥିବା ଜଣାପଡିଛି ।
ଉଭୟ ବଲାଙ୍ଗୀର ଫେରିବା ପରେ ଏଠାକାର ସଙ୍ଗରୋଧ କେନ୍ଦ୍ରରେ ଥିବା ବେଳେ ଗୁରୁବାର ଉଭୟ କୋରୋନା ପଜିଟିଭ ଥିବା ଜଣାପଡିଛି । ଏହା ପରେ 2 ଜଣଙ୍କୁ ଚିକିତ୍ସା ପାଇଁ ଭୁବନେଶ୍ବର ସ୍ଥିତ କିମ୍ସ କୋଭିଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ବଲାଙ୍ଗୀର ଜିଲ୍ଲାରେ ଏଯାବତ 56 ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେଥିମଧ୍ୟରୁ 4 ଜଣ ସୁସ୍ଥ ହୋଇଛନ୍ତି । ମୋଟ 52ଟି ମାମଲା ଏବେ ବି ସକ୍ରିୟ ଥିବା ନେଇ ପ୍ରଶାସନ ପକ୍ଷରୁ ସୂଚନା ମିଳିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
