ନାଳରେ ଭାସି ଯୁବକ ନିଖୋଜ

ଶୌଚ ପାଇଁ ଯାଇ ନାଳରେ ଫସିଲେ ଦୁଇ ଯୁବକ । ପାଣିରେ ଭାସି ଜଣେ ନିଖୋଜ ହୋଇଥିବା ବେଳେ ଅନ୍ୟ ଜଣଙ୍କୁ ଉଦ୍ଧାର କଲା ଅଗ୍ନିଶମ ବାହିନୀ ।

ଅନୁଗୋଳ: ଅନୁଗୋଳ ଜିଲ୍ଲା ପାଲଲହାଡ଼ା ଉପଖଣ୍ଡ ଓଡଶ ଗାଁ ଅନ୍ଧାରୀ ନାଳରେ ଭାସି ଯାଇ ଜଣେ ନିଖୋଜ । ଅନ୍ୟ ଜଣଙ୍କୁ ଉଦ୍ଧାର କଲା ଅଗ୍ନିଶମ ବାହିନୀ । ନିଖୋଜ ବ୍ୟକ୍ତି ଜଣକ ହେଲେ ସୁଶାନ୍ତ ନାଏକ ।

ତେବେ ସେମାନେ 2 ଜଣ ଶୌଚ ପାଇଁ ନାଳକୁ ଯାଇଥିଲେ । ହଠାତ୍‌ ପାଣି ଆସି ଯିବାରୁ ଭାସି ଯାଇଥିଲେ ଦୁଇ ଯୁବକ । ତେବେ ଦୋଳ ଗୋବିନ୍ଦ ଏକ ଗଛରେ ଲାଗି ଯାଇ ଥିଲେ । କିନ୍ତୁ ସୁଶାନ୍ତ ଭାସି ଯାଇଥିଲେ ।

ତେବେ ଖବର ପାଇ ପାଲଲହାଡ଼ା ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ବହୁ କଷ୍ଟରେ ଦୋଳଗୋବିନ୍ଦକୁ ଉଦ୍ଧାର କରିଥିଲେ ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ