ଅନୁଗୋଳ: ରାଜ୍ୟର ଅନେକ ଗରିବ ଅସହାୟଙ୍କ ରୋଜଗାରରେ ଲଗାମ ଲଗାଇଛି କୋରୋନା ମହାମାରୀ ଜନିତ ଲକଡାଉନ । ତାଲାବନ୍ଦ ପାଇଁ ନା ଏମାନେ କିଛି ରୋଜଗାର କରିପାରୁଛନ୍ତି ନା ପେଟକୁ ମୁଠେ ଦାନା ଯୋଗାଡି ପାରୁଛନ୍ତି । ଏମିତିରେ ଅସହାୟଙ୍କ ପାଖରେ ପହଞ୍ଚି ସେମାନଙ୍କି ଶୁଖିଲା ଖାଦ୍ୟ ବାଣ୍ଟିଛନ୍ତି ଅନୁଗୋଳ ଜିଲ୍ଲା କଣିହାଁ ବ୍ଲକ ସୁସବା ପଞ୍ଚାୟତର ପୋଗଡା ଗ୍ରାମବାସୀ ।
ସମ୍ପୃକ୍ତ ଗାଁର ମୁଣ୍ଡାହଟିଂ, ଝରାସାହି ଓ କୁଦାସାହିର ଗରିବ ଲୋକଙ୍କୁ ପାଖରେ ଖାଜ୍ୟ ପହଞ୍ଚାଇଛନ୍ତି ଗାଁର କିଛି ସ୍ବେଚ୍ଛାସେବୀ । ଚାଉଳ, ଡାଲି, ଆଳୁ ଓ ଚୂଡା ଆଦି ଅତ୍ୟାବଶ୍ୟକୀୟ ସାମଗ୍ରୀ ଏହି ଗରିବଙ୍କ ପାଖରେ ପହଞ୍ଚାଇଛନ୍ତି ସ୍ବେଚ୍ଛାସେବୀ । ପଞ୍ଚାୟତର ପୂର୍ବତନ ସମିତି ସଭ୍ୟ କୃପାସିନ୍ଧୁ ସାହୁଙ୍କ ସହଯୋଗରେ କିଛି ସ୍ବେଚ୍ଛାସେବୀ ମିଶି ଏହି ଖାଦ୍ୟ ପୁଡିଆ ବାଣ୍ଟିଛନ୍ତି ।
ତେବେ ଆଗାମୀ ଦିନରେ ଯେପର୍ଯ୍ୟନ୍ତ ଏହି ଗରିବ ଓ ଅସହାୟଙ୍କୁ ରୋଜଗାର ନମିଳିଛି ସେପର୍ଯ୍ୟନ୍ତ ଏହି ସେବା ବଜାୟ ରହିବ ବୋଲି କହିଛନ୍ତି କାର୍ଯ୍ୟରତ ସ୍ବେଚ୍ଛାସେବୀ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
