ଅନୁଗୋଳ: ୫୫ ନଂ ଜାତୀୟ ରାଜପଥର ସଡକ ଦୁର୍ଘଟଣା । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ୪ ଜଣ ଗୁରୁତର ଅଛନ୍ତି । ଗୋବିନ୍ଦପୁର ଫାଣ୍ଡି ନିକଟରେ ଥିବା ଓମ୍ପଫେଡ ପାଲର ନିକଟରେ ଏହି ଦୁର୍ଘଟଣା ହୋଇଛି । ମୃତକ ଜଣକ ହେଲେ ନଡିଆଳି ଗାଁର ଭରତ ବେହେରା।
ଭିଡିଓ ସୌଜନ୍ୟ: ସମ୍ବାଦଦାତା,ଅନୁଗୋଳ
ରାଜରାସ୍ତା କାମରେ ବ୍ୟବହାର ହେଉଥିବା ଏକ ଗ୍ରେଡର ମେସିନ ସହ ଗୋଟିଏ ସ୍କୁଟି ଓ ଏକ ବାଇକ ସହ ଦୁର୍ଘଟଣା ହୋଇଛି । ଫଳରେ ଜଣକ ମୃତ୍ୟୁ ହେଇଥିବାବେଳେ 4ଜଣ ଆହତ ହୋଇଛନ୍ତି । ଆହତମାନେ ହେଲେ ବଲରାମ ବେହେରା, ଚନ୍ଦନ ବେହେରା , ବଳଦିଆବନ୍ଧ ଗାଁ ର ଉଦୟ ନାଏକ ଓ ମାଣ୍ଟୁ ନାଏକ । ଏମାନେ ଆର୍ମିରେ ନିଯୁକ୍ତି ପାଇଁ ସାର୍ଟିଫିକେଟ ନେବାକୁ ଢେଙ୍କାନାଳ ତହସିଲ ଅଫିସକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି ।
ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
