ଅନୁଗୋଳ: ଥମୁନି ଗଞ୍ଜେଇ ଚାଷ । ବେଆଇନ ଗଞ୍ଜେଇ ଚାଷର ଭୂସ୍ବର୍ଗ ପାଲଟିଛି ଅନୁଗୋଳ ଜିଲ୍ଲା । ଗଞ୍ଜେଇ ଚାଷ ନଷ୍ଟ କରିବାରୁ ଆକ୍ସନ ମୁଡରେ ଅବକାରୀ ବିଭାଗ । ପ୍ରାୟ ଏକର ଜମିରେ ଗଞ୍ଜେଇ ଚାଷକୁ ନଷ୍ଟ କରିବାରେ ସଫଳ ହୋଇଛି ଅବକାରୀ ବିଭାଗ (excise department destroyed ganja cultivation) ।
ଜିଲ୍ଲା ଜରାପଡା ଥାନା ଅଞ୍ଚଳରେ ଗଞ୍ଜେଇ ଚାଷ ହେଉଥିବା ଜାଣିବା ପରେ ତାକୁ ନଷ୍ଟ କରିଛି ବିଭାଗ । କୌଣସି ସୂତ୍ରରୁ ଖବର ପାଇ ଅବକାରୀ ଏକ ଟିମ ଚଢାଉ କରି ଗଞ୍ଜେଇ ଗଛ ସବୁକୁ ନଷ୍ଟ କରିଛି । ଜରାପଡା ଥାନା ମାଟିଗାଡିଆସାହିର ଏକ କାଜୁ ବଗିଚାରେ ପ୍ରାୟ ୦.୮୫ ଏକରରେ ହୋଇଥିବା ଏହି ଗଞ୍ଜେଇ ଗଛକୁ କାଟି ପୋଡି ଦିଆଯାଇଛି ।
ଅବକାରୀ ଅଧିକ୍ଷକଙ୍କ ନିର୍ଦେଶରେ ଏହି ଚଢାଉ ହୋଇଥିଲା। ବିଭାଗ ସ୍ବତନ୍ତ୍ର ଟିମ ଗଞ୍ଜେଇ ଗଛ ନଷ୍ଟ କରିବାରେ ସାମିଲ ହୋଇଥିଲେ । ଅଞ୍ଚଳରେ ଏହି ଗଞ୍ଜେଇ ଚାଷକୁ ନେଇ ବିଭିନ୍ନ କଳ୍ପନା ଜଳ୍ପନା ଆରମ୍ଭ ହୋଇଛି । କିଭଳି ଓ କେଉଁ ପରିସ୍ଥିତିରେ ଏହି ଅଞ୍ଚଳରେ ଗଞ୍ଜେଇ ଚାଷ ହେଉଥିଲା ସେନେଇ ଉଠିଛି ପ୍ରଶ୍ନବାଚୀ ।
ଅନୁଗୋଳରୁ ସଂଗ୍ରମ ରଞ୍ଜନ ନାଥ,ଇଟିଭି ଭାରତ
