ଅନୁଗୋଳ:ଜିଲ୍ଲାରେ ଥମିବାର ନାଁ ନେଉନାହିଁ ହାତୀ ଆତଙ୍କ । ହାତୀ ଆକ୍ରମଣରେ ଦିନକୁ ଦିନ ଅନେକ ଲୋକଙ୍କ ଅକାଳରେ ଚାଲିଯାଉଛି ଜୀବନ । କଣିହାଁ ବନାଞ୍ଚଳ ଅନ୍ତର୍ଗତ ସାପକଟା ଗାଁରେ ଜଣେ ମହିଳା ଆଜି ଜଙ୍ଗଲକୁ କାଠ ଆଣିବାକୁ ଯାଇ ହାତୀ ଆକ୍ରମଣରେ ଶିକାର ହେବା ଫଳରେ ତାଙ୍କର ମୃତ୍ୟୁ ହୋଇଛି ।
ସୂଚନାଅନୁସାରେ ସାରକଟା ଗାଁର ଶୁଭା ପ୍ରଧାନ ନିକଟସ୍ଥ ଜଙ୍ଗଲକୁ କାଠ ଆଣିବାକୁ ଯାଇଥିଲେ । ହଠାତ ଗୋଟିଏ ଦନ୍ତା ହାତୀ ଆକ୍ରମଣର ଶିକାର ହୋଇଥିଲେ । ହାତୀଟି ତାଙ୍କୁ କଚାଡି ଦେବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ଖବର ପାଇ କଣିହାଁ ବନରେଞ୍ଜ କର୍ମଚାରୀ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛନ୍ତି ।
ସରକାରୀ ବ୍ୟବସ୍ଥା ଅନୁସାରେ ଯାହା କ୍ଷତିପୂରଣ ଦିଆଯିବା କଥା ତାହା ମୃତକ ପରିବାରକୁ ଦିଆଯିବାର ବ୍ୟବସ୍ଥା କରାଯିବ ବୋଲି ବନ ବିଭାଗ ଅଧିକାରୀ କହିଛନ୍ତି । ତେବେ ଜିଲ୍ଲାରେ ଦିନକୁ ଦିନ ହାତୀ ଆତଙ୍କ ବଢିବାରେ ଲାଗିଛି । ହାତୀ ଆତଙ୍କରେ ଭୟଭୀତ ହୋଇଛନ୍ତି ଗ୍ରାମବାସୀ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିିଭି ଭାରତ
