ଅନୁଗୋଳ: ଛେଣ୍ତିପଦା ରେଞ୍ଜର ବାଲିନାଳୀ ଗାଁରେ ହାତୀ ଆତଙ୍କ। ଗାଁରେ ପଶି ଘରଭାଙ୍ଗି ଚାଉଳ ଖାଇବା ସହ ଆସବାବପତ୍ର ନଷ୍ଟ କରିଛି ହାତୀ । ବୁଧବାର ବିଳମ୍ବିତ ରାତିରେ ହାତୀ କୋଶଳା ଜଙ୍ଗଲରୁ ଆସି ଗାଁ ଭିତରେ ପଶିଥିଲା ।
ଛେଣ୍ଡିପଦାରେ ଅଧରାତିରେ ଘର ଭଙ୍ଗି ଚାଉଳ ଖାଇଲା ହାତୀ
ହାତୀଟି ଗାଁର ପ୍ରସନ୍ନ ନାଏକଙ୍କ ଆଜବେଷ୍ଟ ଘର ଭାଙ୍ଗି ଚାଉଳ ଖାଇଦେବା ସହ ସେଇ ଗାଁର ଧନୁ ନାଏକଙ୍କ ଚାଳଘର ଭାଙ୍ଗି ନଷ୍ଟ କରିଦେଇଛି। ଅନ୍ୟ ପକ୍ଷରେ ଏବେ ପର୍ଯ୍ୟନ୍ତ ଏଠାରେ ବସବାସ କରୁଥିବା ଲୋକଙ୍କ ପାଖରେ ବିଦ୍ୟୁତ ପହଞ୍ଚି ପାରି ନ ଥିବାରୁ ଅନ୍ଧାରରେ ହାତୀ ଆସି ବାରମ୍ବାର ଘର ଭାଙ୍ଗୁଥିବା ଅଭିଯୋଗ ହୋଇଛି ।
ଖବର ପାଇ ଛେଣ୍ତିପଦା ବନବିଭାଗ ପହଞ୍ଚି ହାତୀଟିକୁ ଘଉଡ଼ାଇଥିଲେ । ହାତୀ ଆଖପାଖରେ ରହୁଥିବାରୁ ଗ୍ରମବାସୀ ଭୟଭିତ ଥିବା ବେଳେ ବନବିଭାଗ ଏହି ଅଞ୍ଚଳରେ ଡାକବାଜି ଯନ୍ତ୍ର ମାଧ୍ୟମରେ ଲୋକମାନଙ୍କୁ ସତର୍କ ସୂଚନା ଦେଉଥିବା ଜଣାପଡିଛି । ଏବେ ଛେଣ୍ତିପଦା ରେଞ୍ଜର ବିଭିନ୍ନ ଜଙ୍ଗଲରେ ୨୨ଟି ହାତୀ ଗାଁ ମୁହାଁ ହେଉଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
