ଅନୁଗୋଳ : ଅନୁଗୋଳ ଜିଲ୍ଲା ଛେଣ୍ଡିପଦା ବ୍ଲକ ଅନୁସୂଚିତ ଜାତି ସାହିରେ ପିଇବା ପାଣି ପାଇଁ ଆନ୍ଦୋଳନ । ସାହିର ଶତାଧିକ ମହିଳା ପାଣି ଯୋଗାଇବା ଦାବିରେ ଆଜି ବ୍ଲକ୍ କାର୍ଯ୍ୟାଳୟ ଘେରାଉ କରିଛନ୍ତି । ଘେରାଉ ସମୟରେ ଗରା, ମାଠିଆ, ବାଲଟି୍କୁ ବ୍ଲକ୍ ସମୁଖରେ ରଖି ଅବରୋଧ କରିଥିବାର ଦେଖିବାକୁ ମିଳିଛି । ପାନୀୟ ଜଳ ସୁବିଧା ନଥିବା ଫଳରେ ଲୋକେ ପାଣି ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ବାରମ୍ବାର ଅଭିଯୋଗ ପରେ ପ୍ରଶାସନ ସମସ୍ୟା ସମାଧାନ କରୁଥିବାରୁ ସାହି ବାସିନ୍ଦା ବ୍ଲକ ଘେରିବାକୁ ବାଧ୍ୟ ହୋଇଛନ୍ତି । ବିକ୍ଷୋଭକାରୀ ମାନେ କହିଛନ୍ତି ଯେ, ଖରା ଦିନ ଆରମ୍ଭ ନହେଉଣୁ ଯଦି ପାଣି ସମସ୍ୟା ଦେଖାଦେଲାଣି । ତେବେ ଆସୁଥିବା ଖରା ଦିନରେ ପାଣି ପାଇଁ ଉତ୍କଟ ସମସ୍ୟା ଦେଖାଯିବ ବୋଲି ସେମାନେ କହିଛନ୍ତି । ସାହି ବାସିନ୍ଦାଙ୍କ ଅଭିଯୋଗ ଯେ, ସେଠାରେ ୩୦୦ରୁ ଅଧିକ ପରିବାର ବସବାସ କରନ୍ତି । ସବୁ ନଳକୁଅ ଓ ଖୋଲା କୂଅ ଶୁଖି ଗଲାଣି । ତେଣୁ ପିଇବା ପାଣି ମୁନ୍ଦାଏ ପାଇଁ ସେମାନେ ଡହଳ ବିକଳ ହେଉଛନ୍ତି । ତେଣୁ ସାହିକୁ ପାଇପ ଯୋଗେ ଜଳ ଯୋଗାଇ ଦେବାକୁ ଦାବି କରିଛନ୍ତି । ନଚେତ ଆଗାମୀ ଦିନରେ ଆହୁରି ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
