ଅନୁଗୋଳ : ଲକ୍ଷାଧିକ ଟଙ୍କାର ଗଞ୍ଜେଇ ଗଛ ନଷ୍ଟ ହେଉଛି କିନ୍ତୁ ଧରା ପଡୁ ନାହାନ୍ତି କୌଣସି ଚାଷୀ । ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ କଙ୍କୁରପାଳ ଗାଁରେ ଅବକାରୀ, ପୋଲିସ ଓ ବନବିଭାଗ ମିଳିତ ଚଢାଉ କରି ବିପୁଳ ପରିମାଣର ଗଞ୍ଜେଇ ଗଛ ନଷ୍ଟ କରିଛି ।
ଅନୁଗୋଳ ଅବକାରୀ ବିଭାଗର ଡେପୁଟି ସୁପରିଣ୍ଟେଣ୍ଡେଣ୍ଟ କ୍ରିଷ୍ଣା ନାୟକଙ୍କ ନେତୃତ୍ବରେ ଅବକାରୀ ବିଭାଗ, ଛେଣ୍ଡିପଦା ପୋଲିସ ଓ ଛେଣ୍ଡିପଦା ବନ ବିଭାଗ ପକ୍ଷରୁ କଙ୍କୁରପାଳର ଗଞ୍ଜେଇ ଚାଷ ଉପରେ ଚଢାଉ କରାଯାଇଥିଲା। ପୋଟଳ ବଗିଚା ମଧ୍ୟରେ ଚାଷ ହୋଇଥିବା ପାଖାପାଖି ୧୫୦୦ଟି ଗଞ୍ଜେଇ ଗଛ କାଟି ସଫା କରିବା ସହିତ ଗଛଗୁଡିକୁ ପୋଡି ନଷ୍ଟ କରିଦିଆଯାଇଛି । ନଷ୍ଟ କରା ଯାଇଥିବା ଗଞ୍ଜେଇ ଗଛ ଲକ୍ଷାଧିକ ଟଙ୍କା ହେବ। ଗଞ୍ଜେଇ ଚାଷୀଙ୍କ ଉପରେ ଦୃଢକାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି । ଏନେଇ ଅବକାରୀ ବିଭାଗ ପକ୍ଷରୁ ଏକ ପ୍ରେସ ଇସ୍ତାହାର ଜାରୀ କରାଯାଇଛି । ତେବେ ପ୍ରଶ୍ନ ଉଠୁଛି ବିଭାଗ ଏତେ ପରିମାଣରେ ଗଞ୍ଜେଇ ନଷ୍ଟ କରୁଥିଲେ ମଧ୍ୟ କୌଣସି ସ୍ଥାନରେ ଜଣେ ହେଲେ ଅପରାଧୀଙ୍କୁ ଧରିପାରୁ ନାହିଁ ।
ଅନୁଗୋଳରୁ ସଂଗ୍ରାମରଞ୍ଜନ ନାଥ, ଇଟିଭି ଭାରତ
