ନୟାଗଡ: ଜିଲ୍ଲାରେ ବ୍ରାଉନ ସୁଗାର କାରବାର ବଢିଥିବା ବେଳେ ପୋଲିସକୁ ମିଳିଛି ସଫଳତା । ଜଣେ ମହିଳା ବ୍ରାଉନ ସୁଗାର ବେପାରୀକୁ ଗିରଫ କରିବାରେ ନୟାଗଡ଼ ଟାଉନ ଥାନା ପୋଲିସ ସଫଳ ହୋଇଛି । ନୟାଗଡ ଏସପିଙ୍କ ନିର୍ଦେଶକ୍ରମେ ଜ଼ିଲ୍ଲାର ବିଭିନ୍ନ ସ୍ଥାନରେ ଚଢାଉ ସମୟରେ ପୋଲିସକୁ ମିଳିଛି ଏହି ସଫଳତା ।
କିଛି ଦିନ ହେବ ନୟାଗଡ ଜ଼ିଲ୍ଲାରେ ନିଶାଖୋରଙ୍କ ଆଡ୍ଡା ବଢ଼ି ଚାଲିଥିବାବେଳେ ନୟାଗଡ ପୋଲିସ ପାଇଁ ମୁଣ୍ଡ ବିଧାର କାରଣ ପାଲଟି ଥିଲା ବ୍ରାଉନ ସୁଗାର କାରବାର l ତେବେ ନୟାଗଡ ଏସପିଙ୍କ ନିର୍ଦେଶ କ୍ରମେ ଜ଼ିଲ୍ଲାର ବିଭିନ୍ନ ସ୍ଥାନରେ ମଧ୍ୟ୍ୟ ଚଢ଼ାଉ ଚାଲୁଛି l ଆଜି ଏସପିଙ୍କ ନିର୍ଦ୍ଦେଶ କ୍ରମେ ଟାଉନ ଥାନା ନିକଟ ସିନ୍ଦୁରିଆରେ ଚଢ଼ାଉ କରିଥିଲା ଟାଉନ ଥାନା ପୋଲିସ l ତେବେ ସିନ୍ଦୁରିଆର ଅମିନା ବିବିଙ୍କ ଘରେ ଚଢ଼ାଉ ବେଳେ ତାଙ୍କ ଠାରୁ 3.70 ଗ୍ରାମ ବ୍ରାଉନ ସୁଗାର ଏବଂ ନଗଦ 7 ହଜାର ଟଙ୍କା ଜବତ ହୋଇଥିଲା l ତେବେ ଅମିନା ବିବି ବ୍ରାଉନ ସୁଗାର ବେପାରୀଙ୍କ କିଙ୍ଗପିନ ବୋଲି ଜାଣିବାକୁ ପାଇଛି ପୋଲିସ । ଏ ନେଇ ଟାଉନ ଥାନା ପୋଲିସ ଅଧିକ ତଦନ୍ତ ଚଳାଇଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
