ଅନୁଗୋଳ: ଜିଲ୍ଲାର ଇକୋ ପାର୍କରେ ଅନୁଷ୍ଠିତ ହୋଇଯାଇଛି କ୍ୟାମେରା ପ୍ରଦର୍ଶନୀ । 1939 ମସିହାର କ୍ୟାମେରା ଠାରୁ ଆରମ୍ଭ କରି ଆଜିର ଅତ୍ୟାଧୁନିକ କ୍ୟାମେରା ପ୍ରଦର୍ଶନୀ ହୋଇଥିଲା । ଏହି ଦୁଇ ଦିନିଆ କ୍ୟାମେରା ପ୍ରଦର୍ଶନୀର ଶେଷ ସନ୍ଧ୍ୟାରେ ଖୁବ୍ ମଜା ଉଠାଇଥିଲେ ଲୋକେ ।
ଦୁଇ ଦିନିଆ କ୍ୟାମେରା ପ୍ରଦର୍ଶନୀ ସୋମବାର ଶେଷ ହୋଇଛି । ସହରର ଦୁଇ ଫଟୋ ଗ୍ରାଫର ଅନନ୍ତ ନାୟକ ଓ ଅମ୍ବିକା ପ୍ରସାଦ ଦାସ ଏହି କ୍ୟାମେରା ପ୍ରଦର୍ଶନୀର ଆୟୋଜନ କରିଥିଲେ । ପୁରୁଣା ଦିନର କଳା ଧଳା କ୍ୟାମେରା ଠାରୁ ଆରମ୍ଭ କରି ଆଜି ଦିନର ଅତ୍ୟାଧୁନିକ କ୍ୟାମେରା ମାନ ଏଠାରେ ସର୍ବସାଧାରଣଙ୍କ ପାଇଁ ପ୍ରର୍ଦଶନ ହୋଇଥିଲା ।
ଲୋକଙ୍କୁ କ୍ୟାମେରା ବାବଦରେ ଜଣାଇବା ଉଦ୍ଧେଶ୍ୟରେ ଏହି ପ୍ରଦର୍ଶନୀ ଆୟୋଜନ କରାଯାଇଥିଲା । ଓସିଏ ଉପସଭାପତି ଅକ୍ଷୟ ସାମନ୍ତ ଓ ଜିଲା ସୂଚନା ଲୋକ ସମ୍ପର୍କ ଅଧିକାରୀ ଓ ପୌରପାଳିକାର ନିର୍ବାହୀ ଅଧିକାରୀ ଏହାକୁ ଉଦଘାଟନ କରିଥିଲେ । ଏଠାରେ ଉଭୟ ଭିଡିଓ ଓ ଷ୍ଟିଲ କ୍ୟାମେରା ମାନ ମଧ୍ୟ ପ୍ରଦର୍ଶିତ ହୋଇଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
