ଟୋକିଓ: ଟୋକିଓ ଅଲମ୍ପିକ୍ରେ ଇତିହାସରେ ରଚିବା ପରେ ସ୍ବଦେଶ ଫେରୁଛନ୍ତି ଅଲମ୍ପିକ ରୌପ୍ୟ ପଦକ ବିଜୟିନୀ ଭାରୋତ୍ତୋଳକାରୀ ମୀରାବାଇ ଚାନୁ ।ଆଜି ସେ ଭାରତ ପହଞ୍ଚିବା ନେଇ ସୂଚନା ରହିଛି ।
ମୀରାବାଇ ଚାନୁ ଶନିବାର ଟୋକିଓ ଅଲମ୍ପିକ୍ରେ ଭାରତକୁ ପ୍ରଥମ ପଦକ ଦେବା ସହ ଭାରତର ପଦକ ଖାତା ଖୋଲିଥିଲେ । ଟୋକିଓ ଅନ୍ତର୍ଜାତୀୟ ମଞ୍ଚରେ ସେ ଭାରୋତ୍ତୋଳନ ମହିଳା 49 କିଲୋଗ୍ରାମ ବର୍ଗରେ ରୌପ୍ୟ ପଦକ ହାତେଇଥିଲେ ।
-
Heading back to home 🇮🇳, Thank you #Tokyo2020 for memorable moments of my life. pic.twitter.com/6H2VpAxU1x
— Saikhom Mirabai Chanu (@mirabai_chanu) July 26, 2021 " class="align-text-top noRightClick twitterSection" data="
">Heading back to home 🇮🇳, Thank you #Tokyo2020 for memorable moments of my life. pic.twitter.com/6H2VpAxU1x
— Saikhom Mirabai Chanu (@mirabai_chanu) July 26, 2021Heading back to home 🇮🇳, Thank you #Tokyo2020 for memorable moments of my life. pic.twitter.com/6H2VpAxU1x
— Saikhom Mirabai Chanu (@mirabai_chanu) July 26, 2021
"ଘର ଅଭିମୁଖେ ଯାତ୍ରା କରୁଛି, ମୋ ଜୀବନର ଶ୍ରେଷ୍ଠ ସ୍ମରଣୀୟ ମୂହୂର୍ତ୍ତ ପାଇଁ ଧନ୍ୟବାଦ ଟୋକିଓ 2020" ବୋଲି ଟ୍ବିଟ କରିଛନ୍ତି ଚାନୁ ।
ଚାନୁ ପ୍ରତିଯୋଗିତାରେ ନିଜର ସଫଳତମ 4ଟି ପ୍ରୟାସରେ ମୋଟ 202 କିଲୋଗ୍ରାମ ଭାର(87 କିଲୋଗ୍ରାମ ସ୍ନାଚ୍ ଓ 115 କିଲୋଗ୍ରାମ କ୍ଳିନ ଓ ଜର୍କ ) ଉଠାଇଥିଲେ ।
ଏହି ଇଭେଣ୍ଟରେ ଚାଇନାର ଜିହିଦୁଇ ନୂଆ ଅଲମ୍ପିକ ରେକର୍ଡ ସହ 210 କିଲୋଗ୍ରାମ ଭାର ଉଠାଇ ସ୍ବର୍ଣ୍ଣ ପଦକ ଜିତିଥିଲେ । ସେହିପରି ଇଣ୍ଡୋନେସିଆର ୱିଣ୍ଡି କାଣ୍ଟିକା ଐସ 194 କିଲୋଗ୍ରାମ ଭାର ଉଠାଇ ବ୍ରୋଞ୍ଜରେଲ ସନ୍ତୁଷ୍ଟ ହୋଇଥିଲେ ।
ରୌପ୍ୟ ପଦକ ସହିତ ଚାନୁ, ଦ୍ବିତୀୟ ଭାରତୀୟ ଭାରୋତ୍ତୋଳନକାରୀ ଭାବେ ଅଲମ୍ପିକ ପଦକ ବିଜୟିନୀ ହୋଇଛନ୍ତି । ପୂର୍ବରୁ କର୍ଣ୍ଣମ ମାଲେଶ୍ବରୀ 2020 ସିଡନୀ ଅଲମ୍ପିକ୍ରେ 69 କିଲୋଗ୍ରାମ ବର୍ଗରେ ବ୍ରୋଞ୍ଜ ପଦକ ଜିତିଥିଲେ, ଯେତେବେଳେ ପ୍ରଥମ ଥର ପାଇଁ ଭାରୋତ୍ତୋଳନ ପ୍ରତିଯୋଗିତା ମହିଳାଙ୍କ ପାଇଁ ଉପଲବ୍ଧ ହୋଇଥିଲା ।
ବକ୍ସର ମେରୀ କମ ଶନିବାର ଚାନୁଙ୍କୁ ଚଳିତ ଟୋକିଓ ଅଲମ୍ପିକ୍ରେ ରୌପ୍ୟ ପଦକ ବିଜୟ ପାଇଁ ଅଭିନନ୍ଦନ ଜଣାଇଥିଲେ । ଭାବବିହ୍ବଳ ମୁହୂର୍ତ୍ତ ବୋଲି ଟ୍ବିଟ କରିଥିଲେ । ଭାରତ ପାଇଁ ଜଣେ ଗର୍ବିତ ମଣୀପୁରୀ ଓ ଜଣେ ଯୋଦ୍ଧା ଗୋଟିଏ ଫ୍ରେମରେ ବୋଲି ଚାନୁଙ୍କ ଫଟୋ ସେୟାର କରି ଲେଖିଥିଲେ ମେରୀକମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
