ସିଙ୍ଗାପୁର: ଭାରତୀୟ ଟେନିସ ଷ୍ଟାର ରାମକୁମାର ରାମାନାଥନ ସୋମବାର ସିଙ୍ଗାପୁର ଓପନ ATP 250 ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି ।
ଆମେରିକା ଜନ୍ମିତ ଜାପାନିଜ ଖେଳାଳି ଟାରୋ ଡାନିଏଲଙ୍କୁ ଠାରୁ 3-6, 7-6(3), 3-6ସେଟ୍ରେ ପରାସ୍ତ ହୋଇଛନ୍ତି ରାମାନାଥନ । ପ୍ରଥମ ରାଉଣ୍ଡର ଏହି ମ୍ୟାଚରେ ଉଭୟ ଖେଳାଳିଙ୍କ ମଧ୍ୟରେ କଡା ସଂଘର୍ଷ ଦେଖିବାକୁ ମିଳିଥିଲା ।
ରାମାନାଥନଙ୍କ ପୂର୍ବରୁ ଭାରତୀୟ ଖେଳାଳି ଭାବେ ସୁମିତ ନାଗଲ ଓ ପ୍ରଜନେସ ଗୁନେସ୍ବରନଙ୍କ ଖେଳିଛନ୍ତି ଡାନିଏଲ । ATP ମାନ୍ୟତାର 200ତମ ସ୍ଥାନରେ ଥିବା ରାମାନାଥନ ଡାନିଏଲଙ୍କ କଡା ଟକ୍କର ଦେଇଥିଲେ ମଧ୍ୟ ବିଜୟୀ ହୋଇପାରିନାହାନ୍ତି ।
ତେବେ ରାମାନାଥନ ପରେ ପୁରୁଷ ଯୁଗଳ ବର୍ଗର ମ୍ୟାଚରେ ପୁରୁବ ରାଜାଙ୍କ ସହ ଦକ୍ଷିଣ କୋରିଆର ସୋନୱ କୋନ ଓ ଜାପାନର ୟାସୁଟାକା ଉଚିୟାମାଙ୍କୁ ଭେଟିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
