ଇନ୍ଦୋର : ଭାରତ ଆସନ୍ତାକାଲି(ମଙ୍ଗଳବାର) ଇନ୍ଦୋରରେ ନ୍ୟୁଜିଲାଣ୍ଡ ବିପକ୍ଷରେ ତୃତୀୟ ଦିନିକିଆ ମ୍ୟାଚ ଖେଳିବ । ଏହା ପୂର୍ବରୁ ରନ ମେସିନ ବିରାଟ କୋହଲିଙ୍କ ସହିତ ଫିଲ୍ମ ଅଭିନେତା କରନ ୱାହିଙ୍କୁ ଦେଖିବାକୁ ମିଳିଛି । ଯାହାର ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଟିମ୍ ଇଣ୍ଡିଆର ଷ୍ଟାର ବ୍ୟାଟର ବିରାଟ କୋହଲିଙ୍କର ପ୍ରଶଂସକ ବିଶ୍ବର କୋଣ ଅନୁକୋଣରେ ରହିଛନ୍ତି । ଅଭିନେତା କରନ ୱାହି ଟିଭି ଏବଂ ବଲିଉଡ ଜଗତର ଜଣେ ଜଣାଶୁଣା ଅଭିନେତା ।
ବିରାଟ କୋହଲି ମଧ୍ୟ ଜଣେ ଦମଦାର କ୍ରିକେଟର ହୋଇଥିବା ବେଳେ ଅଭିନୟରେ ମଧ୍ୟ ସେ ନିଜର ପ୍ରତିଭା ଦେଖାଇଛନ୍ତି । ବିରାଟ ଇନ୍ଦୋରରେ ଏକ ବିଜ୍ଞାପନ ସୁଟିଂ ପାଇଁ ଆସିଥିଲେ । ସେଠାରେ ତାଙ୍କୁ ଅଭିନେତା କରନ ୱାହିଙ୍କ ସହିତ ଦେଖିବାକୁ ମିଳିଥିଲା । ତେବେ କରନ ୱାହି ଜଣେ ଅଭିନେତା ଥିଲେ ମଧ୍ୟ ତାଙ୍କର କ୍ରିକେଟ ପ୍ରତି ପିଲା ବେଳେ ବହୁତ ଦୁର୍ବଳତା ରହିଥିଲା । ବହୁତ କମ ଲୋକଙ୍କୁ ଏକଥା ଜଣା ଅଛି ସେ ଜଣେ କ୍ରିକେଟର ହେବାକୁ ଚାହୁଁଥିଲେ । କରନ ୱାହି ଷ୍ଟାର ବ୍ୟାଟର ବିରାଟ କୋହଲି ଏବଂ ଶିଖର ଧାୱନଙ୍କର ଜଣେ ଭଲ ବନ୍ଧୁ । ବିରାଟ କୋହଲିଙ୍କ ସହିତ କରନ ୱାହିଙ୍କର ଦୀର୍ଘ ଦିନର ବନ୍ଧୁତା ରହି ଆସିଛି ।
ଏହା ବି ପଢନ୍ତୁ...ଋଷଭଙ୍କ ଆରୋଗ୍ୟ କାମନା କରି ମହାକାଳେଶ୍ୱର ମନ୍ଦିରରେ ସାଥୀ ଖେଳାଳିଙ୍କ ପୂଜାର୍ଚ୍ଚନା
ଦୁଇ ଜଣଙ୍କ ବନ୍ଧୁତା କୋହଲି କ୍ରିକେଟ ଦୁନିଆର ପାଦ ଥାପିବା ସମୟରେ ହୋଇଥିଲା । ବିରାଟ କୋହଲି ଏବଂ କରନ ୱାହିଙ୍କର ଘନିଷ୍ଠ ବନ୍ଧୁତାର ବହୁତ ସ୍ମୃତି ରହିଛି । ଉଭୟ ଯେତେବେଳେ ବନ୍ଧୁ ନଥିଲେ ସେତେବେଳେ କୋହଲି ଏବଂ କରନ ୧୯ ବର୍ଷରୁ କମ୍ ଟିମ୍ରେ କ୍ରିକେଟ ଖେଳିବା ପାଇଁ ଚୟନ ହୋଇଥିଲେ । ହେଲେ ଦୁର୍ଭାଗ୍ୟବଶତଃ କରନ ସେହି ସମୟରେ ଗୁରୁତର ଭାବରେ ଆହତ ହୋଇଥିଲେ । ଯାହା ଫଳରେ ତାଙ୍କୁ କ୍ରିକେଟରୁ ଦୁରେଇବାକୁ ପଡିଲା ।
ଘରୋଇ ମାଟିରେ ନ୍ୟୁଜିଲାଣ୍ଡ ବିପକ୍ଷରେ ଭାରତର ଦିନିକିଆ ସିରିଜ ଜାରି ରହିଛି । ତିନି ଟିକିଆ ମ୍ୟାଚ ବିଶିଷ୍ଟ ଏହି ସିରିଜରେ ଭାରତ ୨-୦ରେ ଆଗୁଆ ସିରିଜ ଜିତି ନେଇଛି । ଏହାର ତୃତୀୟ ଦିନିକିଆ ମ୍ୟାଚ ମଙ୍ଗଳବାର ଇନ୍ଦୋରରେ ଖେଳାଯିବ । ତେବେ ତୃତୀୟ ଦିନିକିଆ ମ୍ୟାଚ ପାଇଁ ଦୁଇଟି ଟିମ ଇନ୍ଦୋର ପହଞ୍ଚିସାରିଛି । ତେବେ ୨-୦ରେ ସିରିଜ ଜିତିବା ପରେ ଏବେ ତୃତୀୟ ଦିନିକିଆ ମ୍ୟାଚ ଜିତି ସିରିଜ କ୍ଲିନ୍ ସ୍ବିପ୍ ଲକ୍ଷ୍ୟରେ ରହଛି ରୋହିତ ବାହିନୀ ।
