ହାଇଦ୍ରାବାଦ: ଭାରତୀୟ ବ୍ୟାଡମିଣ୍ଟନ ଷ୍ଟାର ପାରୁପଲୀ କାଶ୍ୟପଙ୍କ ତୈପେଇ ଓପନ 2022 (Taipei open 2022) ଟୁର୍ଣ୍ଣାମେଣ୍ଟର ପ୍ରଥମ ରାଉଣ୍ଡ ଖେଳି ବିଜୟ ଅଭିଯାନ ଆରମ୍ଭ କିରଛନ୍ତି । ଆଜି(ବୁଧବାର) ଖେଳାଯାଇଥିବା ପୁରୁଷ ସିଙ୍ଗଲ୍ସ ମ୍ୟାଚରେ ଚାଇନାର ପ୍ରତିଦ୍ବନ୍ଦୀ ଚି ୟୁ ଯେନଙ୍କୁ ପ୍ରଥମ ରାଉଣ୍ଡରେ ପରାସ୍ତ କରି ଦ୍ବୀତିୟ ରାଉଣ୍ଡରେ ପ୍ରବେଶ କରିଛନ୍ତି ।
ପ୍ରଥମ ରାଉଣ୍ଡରେ ଖେଳାଯାଇଥିବା ମ୍ୟାଚରେ ପ୍ରଥମ ସେଟ କାଶ୍ୟପଙ୍କ ପାଇଁ ସଂଘର୍ଷପୂର୍ଣ୍ଣ ରହିଥିଲା । ଉଭୟଙ୍କ ମଧ୍ୟରେ କଡା ଟକ୍କର ହୋଇଥିଲା । ପ୍ରଥମ ସେଟରେ ପାରୁପଲ୍ଲୀ କାଶ୍ୟପ ଚାଇନାର ପ୍ରତିଦ୍ବନ୍ଦୀ ଚି ୟୁ ଯେନଙ୍କୁ 24-22 ପଏଣ୍ଟରେ ହରାଇ ଥିଲେ । ସେହିପରି ଦ୍ବିତୀୟ ସେଟରେ ଖେଳାଯାଇଥିବା ମ୍ୟାଚଟି ଏକ ପାଖିଆ ହୋଇଥିଲା । ଦ୍ବିତୀୟ ସେଟରେ ପାରୁପଲ୍ଲୀ କାଶ୍ୟପ 21-10 ପଏଣ୍ଟରେ ଚି ୟୁ ଯେନଙ୍କୁ ହରାଇ ସହଜ ବିଜୟ ହାସଲ କରିଥିଲେ ।
ସେହିପରି ଅନ୍ୟ ପୁରଷ ସିଙ୍ଗଲ୍ସ ମ୍ୟାଚରେ ଭାରତର ମିଥୁନ ମଞ୍ଜୁନାଥ ପ୍ରଥମ ରାଉଣ୍ଡରେ ଡେନମାର୍କର ପ୍ରତିଦ୍ବନ୍ଦୀ କିମ ବ୍ରୁନଙ୍କୁ ହରାଇ ଦ୍ବିତୀୟ ରାଉଣ୍ଡରେ ପ୍ରବେଶ କରିଛନ୍ତି । ସେ କିମ ବ୍ରୁନଙ୍କୁ 17-21, 15-21 ପଏଣ୍ଟରେ ହରାଇଛନ୍ତି । ମିଥୁନ ମଞ୍ଜୁନାଥ ମ୍ୟାଚରେ ଉତ୍ତମ ପ୍ରଦର୍ଶନ ଜାରି ରଖିବା ସହିତ ସେଟରେ ନିଜର ପ୍ରଭାବ ବିସ୍ତାର କରି ପ୍ରଥମ ଏବଂ ଦ୍ବିତୀୟ ସେଟରେ ପ୍ରତିଦ୍ବନ୍ଦୀ କିମ ବ୍ରୁନଙ୍କୁ ସହଜରେ ପରାସ୍ତ କରିଥିଲେ ।
ସେହିପରି ମହିଳା ସିଙ୍ଗଲ୍ସ ବିଭାଗରେ ଭାରତୀୟ ସଟଲର ମାଲଭିକା ବନସୁଦ ପ୍ରଥମ ରାଉଣ୍ଡରେ ହିଁ ଏହି ପ୍ରତିଯୋଗିରୁ ଓହରି ଯାଇଛନ୍ତି । ସେ ଚାଇନାର ଲିଆଙ୍ଗ ଟିଙ୍ଗ ୟୁଙ୍କଠୁ 10-21, 21-15, 21-14 ପଏଣ୍ଟରେ ପରାସ୍ତ ହୋଇଛନ୍ତି । ମାଲଭିକା ବନସୁଦ ପ୍ରଥମ ସେଟରେ ନିଜର ପ୍ରଦର୍ଶନ ଜାରି ରଖି ପ୍ରଦିଦ୍ବନ୍ଦୀକୁ ପରାସ୍ତ କରିଥିଲେ । ହେଲେ ପରବର୍ତ୍ତୀ ଦଇଟି ସେଟରେ ପ୍ରତିଦ୍ବନ୍ଦୀ ଲିଆଙ୍ଗ ଟିଙ୍ଗ ୟୁଙ୍କଠୁ ପରାଜିତ ହୋଇ ଏତି ପ୍ରତିଯୋଗିତାରୁ ଓହରି ଯାଇଥିଲେ ।
