ମିଲନ: ଚଳିତ ସିରିଏ ଏ ଟୁର୍ଣ୍ଣାମେଣ୍ଟରେ ଏସି ମିଲନ କ୍ଳବର ଆଉ ଏକ ଦମଦାର ବିଜୟ । ବୁଧବାର ଖେଳାଯାଇଥିବା ପାର୍ମା ବିପକ୍ଷ ମ୍ୟାଚରେ 3-1 ଗୋଲରେ ବିଜୟୀ ହୋଇଛି । ଏଥିସହିତ ୟୁରୋପା ଲିଗ ଯୋଗ୍ୟତା ଅର୍ଜନ ପାଇଁ ଆଶାବାଦୀ ରହିଛି ।
ମ୍ୟାଚର 44ତମ ମିନିଟରେ ପାର୍ମା ପକ୍ଷରୁ ଜସମିନ କୁର୍ତିକ ପ୍ରଥମ ଗୋଲ କରିଥିଲେ । ଏହାପରେ ଏସି ମିଲନ ଆକ୍ରମଣାତ୍ମକ ରଣନୀତି ଆପଣାଇବା ସହ 3ଟି ଗୋଲ କରିଥିଲା । ମ୍ୟାଚର 55ତମ, 77ତମ ଓ 77ତମ ମିନିଟରେ ଯଥାକ୍ରମେ ଫ୍ରାଙ୍କ କେସି, ଆଲସିଓ ରୋମାଗନୋଲି ଓ ହକନ ଚାଲହାନୋଗଲୁ ଗୋଲ କରିଥିଲେ ।
ଏସି ମିଲନ ପରବର୍ତ୍ତୀ ମ୍ୟାଚରେ ଜୁଲାଇ 19ରେ ବୋଲଗନାକୁ ଭେଟିବ ।
ଏହି ବିଜୟ ସହ ଏସି ମିଲନ 53 ପଏଣ୍ଟ ଓ ସିରିଏ ଏ ପଏଣ୍ଟ ଟେବୁଲର 7ମ ସ୍ଥାନରେ ପହଞ୍ଚିଛି । ଷଷ୍ଠ ସ୍ଥାନରେ ଥିବା ନାପୋଲି ମଧ୍ୟ ସମାନ ପଏଣ୍ଟରେ ରହିଛି । ମାତ୍ର ଗୋଲର ବ୍ୟବଧାନ ଅନୁଯାୟୀ ନାପୋଲି ଆଗରେ ରହିଛି । ଇଟାଲିୟନ କପରେ ପ୍ରଭାବି ପ୍ରଦର୍ଶନ ସହ ନାପୋଲି ପୂର୍ବରୁ ୟୁରୋପା ଲିଗ ଯୋଗ୍ୟତା ଅର୍ଜନ କରିସାରିଛି ।
