ରୋମ୍: ଜୁଭେଣ୍ଟସକୁ ହରାଇ କୋପା ଇଟାଲିୟ ଟ୍ରଫି ବିଜୟୀ ହୋଇଛି ନପୋଲି । ରୋମାଞ୍ଚକର ଫାଇନାଲ ମୁକାବିଲା ଅମୀମାଂସିତରେ ଶେଷ ହୋଇଥିଲା । ତେବେ ପରେ ପେନାଲିଟି ସୁଟଆଉଟରେ 4-2 ଗୋଲରେ ବିଜୟୀ ହୋଇଥିଲା ନପୋଲି । ଏଥିସହିତ ଷଷ୍ଠ ଥର ପାଇଁ କୋପା ଇଟାଲିୟ ଟ୍ରଫି ନିଜ ନାମରେ କରିଥିଲା ।
ବିନା ଦର୍ଶକରେ ଖାଲି ଷ୍ଟାଡିୟମରେ ବୁଧବାର ଫାଇନାଲ ମ୍ୟାଚ ଖେଳାଯାଇଥିଲେ ମଧ୍ୟ, ଅତ୍ୟନ୍ତ ସଂଘର୍ଷପୂର୍ଣ୍ଣ ରହିଥିଲା । ତେବେ ନିର୍ଧାରିତ ମ୍ୟାଚ ସମୟରେ କୌଣସି ଟିମ ଗୋଲ ସ୍କୋର କରିବାକୁ ସମର୍ଥ ହୋଇନଥିଲେ । ଫଳରେ 0-0ରେ ମ୍ୟାଚ ଅମୀମାଂସିତ ରହିଥିଲା । ଏହାପରେ ଅତିରିକ୍ତ ସମୟ ଖେଳ ହୋଇନଥିଲା । ବରଂ ପେନାଲିଟି ସୁଟଆଉଟ ଦ୍ବାରା ମ୍ୟାଚର ଫଳାଫଳ ନିର୍ଣ୍ଣୟ ପାଇଁ ସ୍ଥିର ହୋଇଥିଲା ।
ଜୁଭେଣ୍ଟସ ପକ୍ଷରୁ ଖ୍ରୀଷ୍ଟିଆନ ରୋନାଲ୍ଡ 2ୟ ଗୋଲର କରିଥିଲେ । ମାତ୍ର ଏହାପରେ 2ଟି ଗୋଲ କରିବାକୁ ଅଳ୍ପପେ ବଞ୍ଚିତ ହୋଇଥିଲା କ୍ଳବ । ଫଳରେ ନପୋଲି 4-2 ଗୋଲରେ ପେନାଲିଟି ସୁଟଆଉଟରେ ବିଜୟୀ ହୋଇଥିଲା ।
କୋପା ଇଟାଲିୟ ଫାଇନାଲରେ ଉଭୟ ଟିମ ମଧ୍ୟରେ ଏହା 12ତମ ମୁକାବିଲା ଥିଲା । ଶେଷ ଥର ପାଇଁ 2012ରେ ଉଭୟ ଟିମ ମୁହାମୁହିଁ ହୋଇଥିଲେ । ଏଥିରେ 2-0 ଗୋଲରେ ନପୋଲି ବିଜୟୀ ହୋଇଥିଲା । ପୂର୍ବ 11ଟି ମୁକାବିଲାରେ ଜୁଭେଣ୍ଟସ 5ଥର ଓ ନପୋଲି 4ଥର ବିଜେତା ରହିଛନ୍ତି । 2ଟି ମ୍ୟାଚ ଅମୀମାସିଂତ ରହିଛି ।
ଫାଇନାଲ ମ୍ୟାଚ ଚାଇନା ସମେତ ବିଶ୍ବର ପ୍ରାୟ 200ଟି ଦେଶରେ ଅନଲାଇନ ପ୍ରସାରଣ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
