ନୂଆଦିଲ୍ଲୀ: ରାହୁଲ ଦ୍ରାବିଡ ଟିମ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଭାବରେ ନିଯୁକ୍ତ ହୋଇଛନ୍ତି । ଫଳରେ ବେଙ୍ଗାଲୁରୁସ୍ଥିତ ଜାତୀୟ କ୍ରିକେଟ ଏକାଡେମୀ(ଏନସିଏ)ର ମୁଖ୍ୟ ପଦ ଖାଲି ପଡିଛି । ପୂର୍ବତନ କ୍ରିକେଟ ଖେଳାଳି ଭିଭିଏସ ଲକ୍ଷ୍ମଣ ବର୍ତ୍ତମାନ ଏନସିଏର ନିର୍ଦ୍ଦେଶକ ହେବା ଆଶା କରାଯାଉଛି ।
ଏହା ପୂର୍ବରୁ ବିସିସିଆଇ ଲକ୍ଷ୍ମଣଙ୍କୁ ରାଜି କରାଇବାକୁ ଚେଷ୍ଟା ଚଳାଇଛି । ଲକ୍ଷ୍ମଣ ସନରାଇଜର୍ସ ହାଇଦ୍ରାବାଦ ଆଇପିଏଲ ଦଳର ଦାୟିତ୍ବରେ ଅଛନ୍ତି । ଏନସିଏ ନିର୍ଦ୍ଦେଶକ ହେଲେ ତାଙ୍କୁ ଆଇପିଏଲ ଦାୟିତ୍ବ ଛାଡିବାକୁ ହେବ । ଲକ୍ଷ୍ମଣ ୬ ବର୍ଷ ହେବ ବେଙ୍ଗଲ କ୍ରିକେଟ ଦଳର ବ୍ୟାଟିଂ ପରାମର୍ଶଦାତା ଭାବେ ମଧ୍ୟ କାର୍ଯ୍ୟ କରୁଛନ୍ତି ।
ରାହୁଲ ଦ୍ରାବିଡ କୋଚ ହେବା ପରେ ଏନସିଏର ନିର୍ଦ୍ଦେଶକ ପଦରୁ ଇସ୍ତଫା ଦେଇଥିଲେ । ୪ ବର୍ଷ କାର୍ଯ୍ୟକାଳ ଭିତରେ ବହୁ ଉଦୀୟମାନ ଯୁବ ଖେଳାଳି ପ୍ରସ୍ତୁତ ହୋଇଥିଲେ । ଏନସିଏରେ ପ୍ରଶିକ୍ଷଣ ନେବା ସହ ଖେଳାଳିଙ୍କ ଆହତ ସମସ୍ୟାର ଉପଚାର, ମହିଳା କ୍ରିକେଟର ଉନ୍ନତିକୁ ପ୍ରାଧାନ୍ୟ ଦିଆଯାଇଥିଲା । ଏନସିଏ ପୂର୍ଣ୍ଣ କାର୍ଯ୍ୟକ୍ଷମ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
