ହାଇଦ୍ରାବାଦ: ଶତକୀୟ ଇନିଂସ ଖେଳି ୨୦୨୩ ବର୍ଷ ଆରମ୍ଭ କଲେ ଚେଜ୍ ମାଷ୍ଟର ବିରାଟ କୋହଲି । ଗୌହାଟୀରେ କିଙ୍ଗ କୋହଲିଙ୍କ ସୁପର ସୋ । ୨୦୨୩ ବର୍ଷରେ ପ୍ରଥମ ଭାରତୀୟ ଭାବରେ ଦିନିକିଆରେ ଖେଳିଲେ ଶତକୀୟ ଇନିଂସ । ତାଙ୍କର ଏହି ଉପଲବ୍ଧି ପରେ ସେ ଅନେକ ରେକର୍ଡର ଅଧିକାରୀ ହୋଇଛନ୍ତି । ଶ୍ରୀଲଙ୍କା ବିପକ୍ଷ ପ୍ରଥମ ଦିନିକିଆ ମ୍ୟାଚରେ ସେ ୮୭ ବଲରୁ ୧୨ ଚୌକା ଏବଂ ଗୋଟିଏ ଛକା ସହାୟତାରେ ସେ ୧୧୩ ରନର ଇନିଂସ ଖେଳିଥିଲେ ।
ଏହା ଦିନିକିଆରେ ୪୫ ତମ ଶତକ ହୋଇଥିବା ବେଳେ ଅନ୍ତର୍ଜାତୀୟ କ୍ୟାରିୟରେ ୭୩ ତମ ଶତକ ହାସଲ କରିଛନ୍ତି ଏହି ଷ୍ଟାର ବ୍ୟାଟର । ବିରାଟ କୋହଲି ୨୦୨୨ ବର୍ଷ ଶେଷରେ ତଥା ଡିସେମ୍ବର ୧୦ ତାରିଖରେ ଖେଳାଯାଇଥିବା ବାଂଲାଦେଶ ବିପକ୍ଷ ତୃତୀୟ ଦିନିକିଆରେ ବିରାଟ କୋହଲି ଶତକୀୟ ପାଳି ଖେଳିଥିଲେ । ବର୍ଷ ଆରମ୍ଭରୁ ତଥା ଠିକ୍ ମାସେ ପରେ ଶ୍ରୀଲଙ୍କା ବିପକ୍ଷ ପ୍ରଥମ ଦିନିକିଆରେ ଲଗାତାର ଭାବରେ ବିରାଟଙ୍କ ବ୍ୟାଟରୁ ବାହାରିଛି ଶତକ ।
ଅନ୍ତର୍ଜାତୀୟ ଶତକରେ ଦ୍ବିତୀୟ ସ୍ଥାନରେ କୋହଲି- ଅନ୍ତର୍ଜାତୀୟ କ୍ରିକେଟରେ ସବୁଠୁ ଅଧିକ ଶତକ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ନାମରେ ରହିଛି । ଏହି ତାଲିକାରେ ଦ୍ବିତୀୟ ସ୍ଥାନରେ ଚେଜ୍ ମାଷ୍ଟର ବିରାଟ କୋହଲି ରହିଛନ୍ତି । ସେ ୭୩ ଟି ଶତକ ହାସଲ କରିଛନ୍ତି । ସେହିପରି ତୃତୀୟ ସ୍ଥାନରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ରହିଛନ୍ତି । ସେ ୭୧ ଟି ଶତକ ହାସଲ କରିଛନ୍ତି ।
ଶ୍ରୀଲଙ୍କା ବିପକ୍ଷ ଦିନିକିଆରେ ସବୁଠୁ ଆଗରେ କୋହଲି - ବିରାଟ କୋହଲି ଶ୍ରୀଲଙ୍କା ବିପକ୍ଷ ଦିନିକିଆରେ ସର୍ବାଧିକ ରନ ସଂଗ୍ରହ କରିଛନ୍ତି । ଆଜିର ପାଳି ପରେ କୋହଲି ୨୩୩୩ ରନ କରିଛନ୍ତି । ଏହା ପୂର୍ବରୁ ୱେଷ୍ଟ ଇଣ୍ଡିଜ ବିପକ୍ଷରେ ସର୍ବାଧିକ ୨୨୬୧ ରନ କରିଥିଲେ । ସେହିପରି ଅଷ୍ଟ୍ରେଲିଆ ବିପକ୍ଷରେ ୨୦୮୩ ରନ କରିଥିବା ବେଳେ ଦକ୍ଷିଣ ଆଫ୍ରିକା ବିପକ୍ଷରେ ୧୪୦୩ ରନ କରିଛନ୍ତି ।
ସଚିନ ସମକକ୍ଷ ହେଲେ ବିରାଟ- କୋହଲି ଘରୋଇ ମାଟିରେ ୯୯ ଟି ମ୍ୟାଚ ଖେଳି ୨୦ ତମ ଶତକ ହାସଲ କରିଛନ୍ତି । ଏହି ଉପଲବ୍ଧି ପରେ ସେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ସମକକ୍ଷ ହୋଇପାରିଛନ୍ତି । ଏହା ପୂର୍ବରୁ ସଚିନ ଘରୋଇ ମାଟିରେ ୧୬୦ ଟି ମ୍ୟାଚ ଖେଳି ୨୦ ଟି ଶତକୀୟ ପାଳି ଖେଳିଥିଲେ ।
ଦିନିକିଆ କ୍ରିକେଟରେ ସବୁଠୁ ଅଧିକ ଶତକ
ସଚିନ ତେନ୍ଦୁଲକର - ୪୬୩ ମ୍ୟାଚ, ୪୯ ଶତକ
ବିରାଟ କୋହଲି - ୨୬୬ ମ୍ୟାଚ, ୪୫ ଶତକ
ରିକି ପଣ୍ଟିଂ - ୩୭୫ ମ୍ୟାଚ, ୩୦ ଶତକ
ରୋହିତ ଶର୍ମା - ୨୩୬ ମ୍ୟାଚ, ୨୯ ଶତକ
ସନଥ ଜୟସୂର୍ଯ୍ୟା - ୪୪୫ ମ୍ୟାଚ, ୨୮ ଶତକ
ଦିନିକିଆରେ ଭାରତୀୟ କ୍ରିକେଟରଙ୍କ ସବୁଠୁ ଅଧିକ ଶତକ
ସଚିନ ତେନ୍ଦୁଲକର - ୪୬୩ ମ୍ୟାଚ, ୪୯ ଶତକ
ବିରାଟ କୋହଲି - ୨୬୬ ମ୍ୟାଚ, ୪୫ ଶତକ
ରୋହିତ ଶର୍ମା - ୨୩୬ ମ୍ୟାଚ, ୨୯ ଶତକ
ବିରାଟ କୋହଲି ୪୫ ଦିନିକିଆ ଶତକ
୯ ବନାମ ୱେଷ୍ଟ ଇଣ୍ଡିଜ - ୪୧ ପାଳି
୯ ବନାମ ଶ୍ରୀଲଙ୍କା - ୪୭ ପାଳି
୮ ବନାମ ଅଷ୍ଟ୍ରେଲିଆ - ୪୧ ପାଳି
୫ ବନାମ ନ୍ୟୁଜିଲାଣ୍ଡ - ୨୬ ପାଳି
୪ ବନାମ ବାଂଲାଦେଶ - ୧୫ ପାଳି
୪ ବନାମ ଦକ୍ଷିଣ ଆଫ୍ରିକା - ୨୮ ପାଳି
୩ ବନାମ ଇଂଲଣ୍ଡ - ୩୫ ପାଳି
୨ ବନାମ ପାକିସ୍ତାନ - ୧୩ ପାଳି
୧ ବନାମ ଜିମ୍ବାୱେ - ୬ ପାଳି
ଅନ୍ତର୍ଜାତୀୟ ଦିନିକିଆରେ କୌଣସି ଟିମ ବିପକ୍ଷରେ ସବୁଠୁ ଅଧିକ ଶତକ
୯ - ସଚିନ ତେନ୍ଦୁଲକର ବନାମ ଅଷ୍ଟ୍ରେଲିଆ - ୭୦ ପାଳି
୯ - ବିରାଟ କୋହଲି - ବନାମ ୱେଷ୍ଟଇଣ୍ଡିଜ - ୪୧ ପାଳି
୯ - ବିରାଟ କୋହଲି - ବନାମ ଶ୍ରୀଲଙ୍କା - ୪୭ ପାଳି
୮ - ସଚିନ ତେନ୍ଦୁଲକର - ବନାମ - ଶ୍ରୀଲଙ୍କା - ୮୦ ପାଳି
୮ - ରୋହିତ ଶର୍ମା - ବନାମ ଅଷ୍ଟ୍ରେଲିଆ - ୪୦ ପାଳି
୮ - ବିରାଟ କୋହଲି ବନାମ ଅଷ୍ଟ୍ରେଲିଆ - ୪୧ ପାଳି
