BCCI ବସ୍ ପଦବୀରୁ ହଟିବେ ଗାଙ୍ଗୁଲି, ଶେଷରେ ମୁଁହ ଖୋଲିଲେ ଦାଦା

ବିସିସିଆଇ ସଭାପତି ଭାବରେ ସୌରଭ ଗାଙ୍ଗୁଲିଙ୍କ କାର୍ଯ୍ୟକାଳ ଶେଷ ହେଉଛି । ୨୦୧୯ ଅକ୍ଟୋବରରେ ବିସିସିଆଇର ସଭାପତି ଦାୟିତ୍ବ ନେଇଥିଲେ ସୌରଭ ଗାଙ୍ଗୁଲି (Sourav Ganguly reaction) । ଅଧିକ ପଢ଼ନ୍ତୁ

ନୂଆଦିଲ୍ଲୀ: ଆସନ୍ତା ସପ୍ତାହରେ ବିସିସିଆଇ ସଭାପତି ଭାବରେ ସୌରଭ ଗାଙ୍ଗୁଲିଙ୍କ କାର୍ଯ୍ୟକାଳ ଶେଷ ହେଉଛି । ଏହାପରେ ତାଙ୍କ ସ୍ଥାନରେ ବିଶ୍ବକପ୍‌ ବିଜେତା ରୋଜର ବିନି ବିସିସିଆଇ ସଭାପତି ଦାୟିତ୍ୱ ଗ୍ରହଣ କରିବେ ! ଗତ ୨୦୧୯ ଅକ୍ଟୋବରରେ ବିସିସିଆଇର ସଭାପତି ଦାୟିତ୍ବ ନେଇଥିଲେ ସୌରଭ ଗାଙ୍ଗୁଲି । ତିନି ବର୍ଷ କାଳ ଏହି ଦାୟିତ୍ବ ତୁଲାଇଛନ୍ତି ।

• I was president of Cricket Association Bengal for 5 yrs & served as president of BCCI for 3 yrs. After tenure gets over,you've to go. You can't play & remain an administrator forever. It was great seeing both sides of the coin as a player & administrator: BCCI Pres Sourav Ganguly pic.twitter.com/SSdmBzTKc4

  — ANI (@ANI) October 13, 2022 " class="align-text-top noRightClick twitterSection" data="

  I was president of Cricket Association Bengal for 5 yrs & served as president of BCCI for 3 yrs. After tenure gets over,you've to go. You can't play & remain an administrator forever. It was great seeing both sides of the coin as a player & administrator: BCCI Pres Sourav Ganguly pic.twitter.com/SSdmBzTKc4

  — ANI (@ANI) October 13, 2022

  ">

  I was president of Cricket Association Bengal for 5 yrs & served as president of BCCI for 3 yrs. After tenure gets over,you've to go. You can't play & remain an administrator forever. It was great seeing both sides of the coin as a player & administrator: BCCI Pres Sourav Ganguly pic.twitter.com/SSdmBzTKc4

  — ANI (@ANI) October 13, 2022

ଏହାକୁ ନେଇ ବିସିସିଆଇ ସଭାପତି ସୌରଭ ଗାଙ୍ଗୁଲି (Sourav Ganguly reaction )କହିଛନ୍ତି, "ଆପଣ ସବୁବେଳେ କ୍ରିକେଟ ଖେଳି ପାରିବେ ନାହିଁ କି ଆପଣ ସବୁବେଳେ ପ୍ରଶାସକ ଦାୟିତ୍ବରେ ମଧ୍ୟ ରହି ପାରିବେ ନାହିଁ । ପ୍ରତ୍ୟେକ ପ୍ରଶାସକ ଦାୟିତ୍ବର ଏକ କାର୍ଯ୍ୟକାଳ ଥାଏ । ମୁଁ ବେଙ୍ଗଲ କ୍ରିକେଟ ସଂଘର ସଭାପତି ଭାବରେ ୫ ବର୍ଷ ଦାୟିତ୍ବ ତୁଲାଇଛି । ଏହାପରେ ୩ ବର୍ଷ ବିସିସିଆଇ ସଭାପତି ଭାବେ ଦାୟିତ୍ବ ତୁଲାଇଛି । ଏହି କାର୍ଯ୍ୟକାଳ ଶେଷ ହେବାପରେ ଆପଣଙ୍କୁ କିଛି ନୂଆ କରିବାକୁ ପଡ଼ିଥାଏ । ଗୋଟିଏ କଏନର ଦୁଇଟି ପାର୍ଶ୍ବ ଦେଖିବା ଭଳି, ମୁଁ ଜଣେ କ୍ରିକେଟର ଓ ଜଣେ କ୍ରିକେଟ ପ୍ରଶାସକ ଦାୟିତ୍ବ ନେଇଛି । ମୁଁ କହିବି ମୋର ୧୫ ବର୍ଷର କ୍ରିକେଟ କ୍ୟାରିଅର ସବୁଠାରୁ ଉତ୍କୃଷ୍ଟ ଥିଲା ।"

ଏକ କାର୍ଯ୍ୟକ୍ରମରେ ଯୋଗ ଦେଇ ବିସିସିଆଇ ସଭାପତି ଭାବରେ ନିଜ କାର୍ଯ୍ୟକାଳ ଶେଷ ହେବାକୁ ନେଇ ପ୍ରତିକ୍ରିୟା ଦେଇଛନ୍ତି ସୌରଭ ଗାଙ୍ଗୁଲି । ତାଙ୍କ ପରେ ୧୯୮୩ ବିଶ୍ବକପ୍‌ ବିଜେତା ଭାରତୀୟ ଦଳର ସଦସ୍ୟ ରୋଜର ବିନି ଏହି ଦାୟିତ୍ବ ନେବାନେଇ ବିଶେଷ ସୂତ୍ରରୁ ପ୍ରକାଶ ପାଇଛି । ଏହି କ୍ରମରେ ବିସିସିଆଇ ଟ୍ରିଜରର୍‌ ଦାୟିତ୍ବରେ ଥିବା ଅରୁଣ ଧୁମଲଙ୍କ ସ୍ଥାନରେ ବିଜେପି ବିଧାୟକ ଆଶିଷ ସେଲାର ଦାୟିତ୍ବ ନେବେ ବୋଲି ଜଣାପଡ଼ିଛି । ଅରୁଣ ଧୁମଲ ଆଇପିଏଲ୍‌ ଅଧ୍ୟକ୍ଷ ଦାୟିତ୍ବ ନେବା ନେଇ ସୂତ୍ରରୁ ପ୍ରକାଶ ପାଇଛି । ତେବେ ବିସିସିଆଇ ସଚିବ ଭାବରେ ଜୟ ଶାହ ନିଜ ଦାୟିତ୍ବ ସମ୍ପାଦନ କରି ଚାଲିଥିବେ ।

ଗତ ମଙ୍ଗଳବାର ମୁମ୍ବାଇରେ ବିସିସିଆଇର ଏକ ବୈଠକ ହୋଇଥିଲା । ଏହାପୂର୍ବରୁ ବିସିସିଆଇର ବିଭିନ୍ନ ଦାୟିତ୍ବ ପାଇଁ ଅନେକ ନାମାଙ୍କନ ଦାଖଲ କରିଛନ୍ତି । ଏହି ଦାୟିତ୍ବ ଭାର ନେଇ ଅକ୍ଟୋବର ୧୮ ତାରିଖରେ ନିର୍ବାଚନ ହେବ । ବରିଷ୍ଠ ବିସିସିଆଇ ପ୍ରଶାସକ ରାଜୀବ ଶୁକ୍ଲା ବୋର୍ଡର ଉପସଭାପତି ଦାୟିତ୍ବରେ ରହିବେ । ଏହାପୂର୍ବରୁ ରୋଜର ବିନି ବିସିସିଆଇର ଚୟନ କମିଟିର ସଦସ୍ୟ ରହିଥିଲେ । ରୋଜର ବିନି ବର୍ତ୍ତମାନ କର୍ଣ୍ଣାଟକ କ୍ରିକେଟ ସଂଘର ସଭାପତି ଦାୟିତ୍ବରେ ରହିଛନ୍ତି ।