ନୂଆଦିଲ୍ଲୀ: ରାଷ୍ଟ୍ରୀୟ ଖେଳ ପୁରସ୍କାର ୨୦୨୩ ପାଇଁ ଖେଳାଳିଙ୍କ ତାଲିକା କ୍ରୀଡ଼ା ମନ୍ତ୍ରଣାଳୟ ଦ୍ବାରା ପ୍ରକାଶ ପାଇଛି । ଏହି ତାଲିକା ଅନୁଯାୟୀ, ଆଇସିସି ବିଶ୍ବକପ୍ ୨୦୨୩ରେ ଚମତ୍କାର ପ୍ରଦର୍ଶନ କରିଥିବା ଭାରତୀୟ ଷ୍ଟାର ବୋଲର ମହମ୍ମଦ ଶାମିଙ୍କୁ ଅର୍ଜୁନ ପୁରସ୍କାରରେ ସମ୍ମାନିତ କରାଯିବ । ଶାମିଙ୍କ ସମେତ ୨୬ ଜଣ ଭାରତୀୟ ଖେଳାଳିଙ୍କୁ ଅର୍ଜୁନ ପୁରସ୍କାରରେ ସମ୍ମାନିତ କରାଯିବ । ଅନ୍ୟପଟେ ପୁରୁଷ ଡବଲ୍ସ ବ୍ୟାଡମିଣ୍ଟନ ଷ୍ଟାର ଚିରାଗ ଶେଟ୍ଟୀ ଏବଂ ସତ୍ତ୍ବିକ ସାଇରାଜ୍ ରଙ୍କିରେଡ୍ଡିଙ୍କୁ ଚଳିତ ବର୍ଷର ଉତ୍କୃଷ୍ଟ ପ୍ରଦର୍ଶନ ପାଇଁ ମେଜର ଧ୍ୟାନଚାନ୍ଦ ଖେଳ ରତ୍ନ ପୁରସ୍କାର ୨୦୨୩ରେ ସମ୍ମାନିତ କରାଯିବ ।
ରାଷ୍ଟ୍ରପତି ଭବନରେ କରାଯିବ ସମ୍ମାନିତ: ଏହି ଖେଳାଳିମାନେ ୨୦୨୩ ମସିହାରେ ନିଜ ନିଜ କ୍ରୀଡ଼ାରେ ଚମତ୍କାର ପ୍ରଦର୍ଶନ କରିଛନ୍ତି । ଏହି କାରଣରୁ ସେମାନଙ୍କୁ ବିଭିନ୍ନ ରାଷ୍ଟ୍ରୀୟ ଖେଳ ପୁରସ୍କାରରେ ସମ୍ମାନିତ କରାଯିବ । ଏହି ସମସ୍ତ ଖେଳାଳି ୯ ଜାନୁଆରୀ ୨୦୨୪ରେ ରାଷ୍ଟ୍ରପତି ଭବନରେ ଆୟୋଜିତ ହେବାକୁ ଥିବା କାର୍ଯ୍ୟକ୍ରମରେ ଅଂଶଗ୍ରହଣ କରିବେ । ଏହିଦିନ ସେମାନେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କଠାରୁ ଏହି ପୁରସ୍କାର ଗ୍ରହଣ କରିବେ । ଜାଣନ୍ତୁ କେଉଁ ଖେଳାଳିଙ୍କୁ ମିଳିବ କେଉଁ ସମ୍ମାନ..
ମେଜର ଧ୍ୟାନଚାନ୍ଦ ଖେଳ ରତ୍ନ ପୁରସ୍କାର:
- ସାତ୍ତ୍ବିକ ସାଇରାଜ ରଙ୍କିରେଡ୍ଡୀ (ବ୍ୟାଡମିଣ୍ଟନ୍)
- ଚିରାଗ ସେଟ୍ଟୀ (ବ୍ୟାଡମିଣ୍ଟନ୍)
ଅର୍ଜୁନ ପୁରସ୍କାର:
- ମହମ୍ମଦ ଶାମି (କ୍ରିକେଟ)
- ଅଜୟ ରେଡ୍ଡୀ (ବ୍ଲାଇଣ୍ଡ କ୍ରିକେଟ)
- ଓଜେସ ପ୍ରବୀଣ ଦେଓତାଲେ (ତୀରନ୍ଦାଜ)
- ଆଦିତି ଗୋପିଚାନ୍ଦ ସ୍ବାମୀ (ତୀରନ୍ଦାଜ)
- ଶୀତଲ ଦେବୀ (ପାରା ଆର୍ଚେରୀ)
- ପାରୁଲ ଚୌଧୁରୀ (ଆଥଲେଟିକ୍ସ)
- ଏମ୍ ଶ୍ରୀଶଙ୍କର (ଆଥଲେଟିକ୍ସ)
- ମହମ୍ମଦ ହୁସାମୁଦ୍ଦିନ (ବକ୍ସିଂ)
- ଆର ବୈଶାଳୀ (ଚେସ୍)
- ଦିବ୍ୟକୃତୀ ସିଂହ (ଅଶ୍ବାରୋହୀ)
- ଅନୁଶ ଅଗ୍ରଓ୍ବାଲା (ଅଶ୍ବାରୋହୀ)
- ଦିକ୍ଷା ଡାଗର (ଗଲ୍ଫ)
- କୃଷ୍ଣ ବାହଦୂର ପାଠକ (ହକି)
- ସୁଶିଳା ଚାନୁ (ହକି)
- ପିଙ୍କି (ଲନ୍ ବଲ)
- ଐଶ୍ୱର୍ଯ୍ୟ ପ୍ରତାପ ସିଂହ ତୋମାର (ସୁଟିଂ)
- ଅନ୍ତିମ ପାଂଘଲ (କୁସ୍ତି)
- ଅୟହିକା ମୁଖାର୍ଜୀ (ଟେବୁଲ ଟେନିସ୍)
- ପ୍ରାଚୀ ଯାଦବ (ପାରା ନୋଇନିଂ)
- ଈଶା ସିଂ (ସୁଟିଂ)
- ହରିନ୍ଦର ପାଲ ସିଂ ସନ୍ଧୁ (ସ୍କ୍ୱାସ୍)
- ନସରୀନ (ଖୋ-ଖୋ)
- ରିତୁ ନେଗୀ (କବାଡି)
- ପୱାନ କୁମାର (କବାଡି)
- ନାଓରେମ ରୋଶିବିନା ଦେବୀ (ଉସୁ)
- ସୁନୀଲ କୁମାର (କୁସ୍ତି)
ଦ୍ରୋଣାଚାର୍ଯ୍ୟ ପୁରସ୍କାର:
- ଗଣେଶ ପ୍ରଭାକରନ୍ (ମାଲ୍ଖମ୍ବ)
- ମହାବୀର ସାଇନି (ପାରା ଆଥଲେଟିକ୍ସ)
- ଲଲିତ କୁମାର (କୁସ୍ତି)
- ଆର୍ବି ରମେଶ (ଚେସ୍)
- ଶିବେନ୍ଦ୍ର ସିଂହ (ହକି)
ଏହା ମଧ୍ଯ ପଢ଼ନ୍ତୁ...ବିଶ୍ବକପ୍ରେ ଶ୍ରେଷ୍ଠ ପ୍ରଦର୍ଶନ ପାଇଁ ଶାମିଙ୍କୁ ମିଳିବ ଅର୍ଜୁନ ପୁରସ୍କାର !
ବ୍ୟୁରୋ ରିପୋର୍ଟ, ଇଟିଭି ଭାରତ
