କୋଲକାତା: ଅନ୍ତିମ ପର୍ଯ୍ୟାୟରେ ଚଳିତ ଇଣ୍ଡିଆନ ପ୍ରିମିୟର ଲିଗ ଟୁର୍ଣ୍ଣାମେଣ୍ଟ (IPL 2022) । ଆଜି (ବୁଧବାର) ଖେଳାଯିବ ଆଇପିଏଲର ପଞ୍ଚଦଶ ସଂସ୍କରଣର ଏଲିମିନେଟର ମ୍ୟାଚ । ଏଥିରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଲକ୍ଷ୍ନୌ ସୁପରଜିଆଣ୍ଟ୍ସ ପରସ୍ପରକୁ ଭେଟିବେ । ପରାଜିତ ଦଳର ଅଭିଯାନ ଶେଷ ହେବ । ବିଜୟ ଦଳ ଦ୍ବିତୀୟ ଦଳ ଭାବେ କ୍ବାଲିଫାୟର ଖେଳିବାକୁ ସୁଯୋଗ ପାଇବ ।
କେଏଲ୍ ରାହୁଲଙ୍କ ନେତୃତ୍ବଧୀନ ନବାଗତ ସୁପରଜିଆଣ୍ଟ୍ସ ଚଳିତ ସିଜିନରେ ଉନ୍ନତ ପ୍ରଦର୍ଶନ କରିଥିଲା । ଦଳ 9ଟି ଲିଗ ମ୍ୟାଚ ଜିତିବାରେ ସଫଳ ହୋଇଛି । ଫାଇନାଲରେ ପ୍ରବେଶ କରିବାର ସୁଯୋଗକୁ ହାତଛଡା କରିବ ନାହିଁ ସୁପରଜିଆଣ୍ଟ୍ସ । ବ୍ୟାଟିଂ ବିଭାଗରେ ଥିବା ଛୋଟମୋଟ ତ୍ରୁଟି ସୁଧାରି ଦଳକୁ ପ୍ରଦର୍ଶନ କରିବାକୁ ପଡିବ । କେଏଲ ରାହୁଲ ସଫଳ ହେଲେ ବିଜୟ ସହଜ ହେବ । ଆଜି ଶ୍ରେଷ୍ଠ ପ୍ରଦର୍ଶନ କରି ଟାଇଟଲ ଦୌଡ ଜାରି ରଖିବ ।
