ଲଣ୍ଡନ: ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଉଥିବା ଟେଷ୍ଟ ସିରିଜରେ ବର୍ଷା ଲଗାତାର ବାଧା ସାଜିବାରେ ଲାଗିଛି । ପ୍ରଥମ ଟେଷ୍ଟ ପରି ଦ୍ବିତୀୟ ଟେଷ୍ଟରେ ମଧ୍ୟ ବର୍ଷା ଭିଲିଆନ ସାଜିଛି । ଆଜିଠାରୁ ସିରିଜର ଦ୍ବିତୀୟ ଟେଷ୍ଟ ଲର୍ଡ୍ସରେ ଆରମ୍ଭ ହେଉଛି । ମାତ୍ର ଲର୍ଡ୍ସରେ ବର୍ଷା ଯୋଗୁଁ ଟସ୍ ବିଳମ୍ବିତ ହେବା ସହ ମ୍ୟାଚ୍ ଆରମ୍ଭ ସମ୍ଭବ ହୋଇପାରିନାହିଁ ।
ନିର୍ଦ୍ଧାରିତ ଟସ୍ ସମୟର ଠିକ୍ ୫ ମିନିଟ୍ ପୂର୍ବରୁ ବର୍ଷା ଆରମ୍ଭ ହେବାରୁ ପିଚ୍କୁ କଭର କରାଯାଇଛି । ଯଦି ବର୍ଷା ବନ୍ଦ ହୁଏ ଓ କଭର ହଟାଯାଏ ତେବେ ବିଳମ୍ବରେ ଟସ୍ ହେବା ସହ ମ୍ୟାଚ ଆରମ୍ଭ ହେବା ନେଇ ସୂଚନା ରହିଛି ।
ପ୍ରଥମ ଟେଷ୍ଟରେ ମଧ୍ୟ ଖରାପ ପାଗ ଯୋଗୁଁ ପ୍ରଭାବିତ ହୋଇଥିଲା । ପଞ୍ଚମ ଦିନ ପ୍ରବଳ ବର୍ଷ ଯୋଗୁଁ ସମ୍ଭବ ନହେବାରୁ ବିନା ଫଳାଫଳରେ ମ୍ୟାଚ ଶେଷ ହେଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
