ଲଣ୍ଡନ: 312 ରନର ବିଜୟ ଲକ୍ଷକୁ ପିଛା କରି ଆଣ୍ଠେଇଲା ଦକ୍ଷିଣ ଆଫ୍ରିକା । 104ରନରେ ଦକ୍ଷିଣ ଆଫ୍ରିକାକୁ ମାତ ଦେଲା ଆୟୋଜକ ଇଂଲଣ୍ଡ। ମାତ୍ର 180 ରନରେ ଦକ୍ଷିଣ ଆଫ୍ରିକାର 7ଟି ବ୍ୟାଟ୍ସମ୍ୟାନ ଫଭିଲିୟନ ଫେରି ଯାଇଥିଲେ।
ଆରମ୍ଭରୁ ଆଡେନ ମାକ୍ରମ ଓ ଅଧିନାୟକ ଡୁପ୍ଲେସିସଙ୍କ ୱିକେଟ ନେଇଥିଲେ ଜୋଫ୍ରା ଆର୍ଚର। ଏହାପରେ ଦକ୍ଷିଣ ଆଫ୍ରିକାର ପାଳି ସମ୍ଭାଳିବାକୁ ଚେଷ୍ଟା କରିଥିଲେ କ୍ୱିନଣ୍ଟନ ଡି କକ୍, କିନ୍ତୁ 68 ରନରେ ଲିଆନ ପ୍ଲଙ୍କକେଟଙ୍କ ଶିକାର ହୋଇ ବସିଲେ ଡି କକ୍ । ପରେ ପରେ ଜେପି ଡୁମିନି ଓ ଡ୍ୱାଇନ ପେଟୋରିୟସ ମଧ୍ୟ ଅଢିକ ସମୟ ୱିକେଟରେ ତିଷ୍ଟି ପାରିନଥିଲେ ଯାହା ଫଳରେ ମ୍ୟାଚ ସମ୍ପୂର୍ଣ୍ଣ ରୂପେ ଇଂଲଣ୍ଡ ହାତକୁ ଚାଲି ଯାଇଥିଲା ।
ଇଂଲଣ୍ଡ ପକ୍ଷରୁ ବେନ ଷ୍ଟ୍ରୋକ୍ସ ସର୍ବାଧିକ 89 ରନ ସ୍କୋର କରିଥିଲେ । ଷ୍ଟ୍ରୋକ୍ସଙ୍କ ସହ ଅଧିନାୟକ ଇଓନ ମର୍ଗାନ ଭାଗିଦାରୀ ନିଭାଇ 57 ରନ ସ୍କୋର କରିଥିଲେ । ଆରମ୍ଭରୁ ଓପନର ବେରଷ୍ଟୋଙ୍କ ୱିକେଟ ପରେ ପାରି ସମ୍ଭାଳିଥିଲେ ଜଏ ରୁଟ ଓ ଜେସନ ରଏ । ରୁଟ 59 ବଲରେ 51ରନ କରିଥିବା ବେଳେ ରଏ 53 ବଲରେ 54ରନ ସ୍କୋର କରିଥିଲେ।
