କୋଲକାତା: ଭାରତୀୟ ଷ୍ଟାର ପେସର ମହମ୍ମଦ ସାମିଙ୍କ ୟୁଏସ ଭିସାକୁ ଅନୁମୋଦନ ମିଳିଛି । ଏହି ବେଙ୍ଗଲ ପେସର ପାରିବାରିକ ସମ୍ପର୍କରେ ତିକ୍ତତା ଆସିଥିଲା । 2018ରେ ପତ୍ନୀ ହାସିନ ଜହାନ ସାମିଙ୍କ ବିରୁଦ୍ଧରେ ଘରୋଇ ହିଂସା ଓ ନିର୍ଯାତନାର ଅଭିଯୋଗ ଆଣିଥିଲେ ।
ଏହା ପରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଏହାପରେ ସାମିଙ୍କ ଆମେରିକା ଭିସାକୁ ୟୁଏସ ଆମ୍ବାସି ରଦ୍ଦ କରିଥିଲା । ତେବେ କ୍ରିକେଟ ବିଶ୍ବକପରେ ଭାରତ ପାଇଁ ପ୍ରଭାବି ପ୍ରଦର୍ଶନ ସହ ଆଫଗାନିସ୍ତାନ ବିପକ୍ଷରେ ବିଶ୍ବକପ ହ୍ରାଟିକ ଅର୍ଜନ କରିଥିଲେ ସାମି । ଏହାପରେ ପତ୍ନୀ ହାସିନ ଜହାନ ମନ ପରିବର୍ତ୍ତନ କରିଥିଲେ । ଟିମ ଇଣ୍ଡିଆ ପାଇଁ ସାମିଙ୍କ ପ୍ରଦର୍ଶନରେ ଖୁସି ବୋଲି କହିଥିଲେ ।
ତେବେ ବିସିସିଆଇ ସିଇଓ ରାହୁଲ ଜୋହରି ୟୁଏସ ଆମ୍ବାସିକୁ ଚିଠି ଲେଖି ଭିସା ଅନୁମୋଦନ ପାଇଁ ଚିଠି ଲେଖିଥିଲେ । ଏହି ଅନୁରୋଧକୁ ରକ୍ଷା କରି ୟୁଏସ ଆମ୍ବାସି ସାମିଙ୍କ ୟୁଏସ ଭିସାକୁ ଅନୁମୋଦନ କରିଥିବା ଜଣାପଡିଛି ।
