ନଟିଂହାମ: ବିଶ୍ବକପ ମ୍ୟାଚରେ ଅଷ୍ଟ୍ରେଲିଆ ବାଲାଂଦେଶ ଲଢେଇ ଜାରି ରହିଛି । ଏହି ମ୍ୟାଚରେ ଅଷ୍ଟ୍ରେଲିଆର ଷ୍ଟାର ଓପନର ଡେଭିଡ ୱାର୍ଣ୍ଣର କ୍ରିକେଟ କ୍ୟାରିୟରର 16ତମ ଶତକ ହାସଲ କରିଛନ୍ତି । ୱାର୍ଣ୍ଣର 147 ବଲରେ 166 ରନର ପାଳି ଖେଳିଛନ୍ତି । ଫଳରେ ଅଷ୍ଟ୍ରେଲିଆ 381ରନ କରିପାରିଛି ।
ତେବେ ୱାର୍ଣ୍ଣର ଏହି ଶତକ ମାରି ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କ ସହ ସମକକ୍ଷ ହୋଇଛନ୍ତି । ବିରାଟ କୋହଲି ମଧ୍ୟ ପୂର୍ବରୁ 110 ଇଂନିସରେ 16 ତମ ଶତକ ହାସଲ କରିଥିଲେ ।
ଏହି ତାଲିକାରେ ଦକ୍ଷିଣ ଆଫ୍ରିକାର ଭେଟେରାନ ଓପନର ହାସିମ ଅମଲା ପ୍ରଥମରେ ରହିଛନ୍ତି । ଅମଲା ମାତ୍ର 94 ଇନିଂସରେ 16ଟି ଶତକୀୟ ପାଳି ଖେଳି ମାଇଲଷ୍ଟୋନ ଠିଆ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
