ଲଣ୍ଡନ: ଭାରତୀୟ କ୍ରିକେଟ ଦଳ ଇଂଲଣ୍ଡ ହାଇସକମିସନରଙ୍କ ବାସଭବନ ପରିଦର୍ଶନ କରିଛି । ଏନେଇ ବିସିସିଆଇ ପକ୍ଷରୁ ଟ୍ବିଟ କରାଯାଇଛି । ବର୍ଷା ଯୋଗୁଁ ଭାରତୀୟ ଟିମ ଅଭ୍ୟାସ କରିବାରୁ ବଞ୍ଚିତ ହୋଇଥିଲା ।
ପରେ କ୍ୟାପଟେନ ବିରାଟ କୋହଲି, କୋଚ ରବି ଶାସ୍ତ୍ରୀ, ମହେନ୍ଦ୍ର ସିଂ ଧୋନୀ, ରୋହିତ ଶର୍ମା, ଶିଖର ଧାୱନ ଓ ଦଳର ଅନ୍ୟସମସ୍ତ ଖେଳାଳି ଲଣ୍ଡନରେ ଥିବା ଭାରତୀୟ ହାଇକମିଶନରଙ୍କ ବାସଭବନ ପରିଦର୍ଶନ କରିଥିଲେ ।
ପରେ ଖେଳାଳିମାନେ ଭାରତୀୟ ହାଇକମିସନର ଶ୍ରୀମତୀ ରୁଚି ଘନଶ୍ୟାମଙ୍କ ସହିତ ଫଟୋସୁଟ କରିଥିଲେ । ଏହାକୁ ନିଜ ଟ୍ବିଟର ଆକାଉଣ୍ଟରେ ସେୟାର କରିଛନ୍ତି ରୁଚି ଘନଶ୍ୟାମ । ଟିମ ଇଣ୍ଡିଆକୁ ବିଶ୍ବକପ ପାଇଁ ଶୁଭେଚ୍ଛା ଜଣାଇଛନ୍ତି ।
ଭାରତୀୟ ଦଳ ବିଶ୍ବକପ ପାଇଁ ଇଂଲଣ୍ଡ ଗସ୍ତରେ ରହିଛି । ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକାକୁ ହରାଇଛି ଭାରତ । ଫଳରେ ବିଜୟରୁ ବିଶ୍ବକପ ଅଭିଯାନ ଆରମ୍ଭ କରିଛି ଟିମ ଇଣ୍ଡିଆ । ଆସନ୍ତା 9ରେ ଭାରତ ଅଷ୍ଟ୍ରେଲିଆ ବିପକ୍ଷରେ ଦ୍ବିତୀୟ ମ୍ୟାଚ ଖେଳିବ ।
