ହାଇଦ୍ରାବାଦ: ଭାରତ ବିପକ୍ଷରେ ଟେଷ୍ଟ ସିରିଜ ପାଇଁ ଇଣ୍ଡିଜ ଟିମ ଘୋଷିତ ହୋଇଛି । ଓ୍ବେଷ୍ଟଇଣ୍ଡିଜ କ୍ରିକେଟ ଟିମର ଚୟନକର୍ତ୍ତାମାନେ ଶୁକ୍ରବାର ଦିନ ଏହି ଟିମ୍ର ଘୋଷଣା କରିଛନ୍ତି । 22 ଅଗଷ୍ଟରେ ଆରମ୍ଭ ହେବ ଏହି ଟେଷ୍ଟ ସିରିଜ ।
ତେବେ ଏହି 13ଜଣିଆ ଟିମ୍ରେ ଇଣ୍ଡିଜର 2ଜଣ ଖେଳାଳୀ ଟେଷ୍ଟ କ୍ୟାରିଅର ଆରମ୍ଭ କରିବେ । ସେହି 2ଖେଳାଳୀ ହେଲେ ରହକିମ କର୍ନଓ୍ବାଲ ଓ ଶମରାହ ବ୍ରୁକ୍ସ । ପ୍ରଥମ ମ୍ୟାଚ 22-26 ଅଗଷ୍ଟରେ ନର୍ଥସାଉଣ୍ଡ ଓ 2ୟ ଅନ୍ତିମ ଟେଷ୍ଟ ମ୍ୟାଚ 30 ଅଗଷ୍ଟରୁ 3 ସେପ୍ଟେମ୍ବର ଯାଏଁ କିଙ୍ଗଷ୍ଟନଠାରେ ଖେଳାଯିବ । ଏହି ଟେଷ୍ଟ ସିରିଜ ବିଶ୍ବ ଟେଷ୍ଟ ଚମ୍ପିଆନସିପ ଅନ୍ତର୍ଗତ ।
ସୂଚନାଥାଉକି, କାରବିଆନ ଦଳ ଅନ୍ତିମ ଟେଷ୍ଟ ସିରିଜ ଇଂଲଣ୍ଡ ବିପକ୍ଷରେ ଖେଳିଥିଲା । ସେଥିରେ ଇଣ୍ଡିଜ ଦଳ ଇଂଲଣ୍ଡକୁ ଟିମକୁ ମାତ୍ ଦେଇଥିଲା ।
ଓ୍ବେଷ୍ଟଇଣ୍ଡିଜ ଦଳ- ଜେସନ ହୋଲ୍ଡର(ଅଧିନାୟକ), କ୍ରେଗ ବ୍ରାଥଓ୍ବଟ, ଡେରେନ ବ୍ରାବୋ, ଶମରାହ ବ୍ରୁକ୍ସ, ଜନ କ୍ୟାମ୍ପବେଲ, ରୋଷ୍ଟନ ଚେସ, ରହକିମ କର୍ନଓ୍ବାଲ, ଶେନ ଡାଓରିଚ, ସେନନ ଗାବ୍ରିଏଲ, ଶିମରନ ହେଟମାୟର, ସାଇ ହୋପ (ଓ୍ବିକେଟରକ୍ଷକ), କିମୋ ପଲ ଓ କେମାର ରୋଚ ।
