ନୂଆଦିଲ୍ଲୀ: ଭାରତର ସୀମିତ ଓଭରର ଉପଅଧିନାୟକ ରୋହିତ ଶର୍ମା ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କୁ କ୍ରିକେଟ ଇତିହାସର ଜଣେ ପ୍ରଭାବଶାଳୀ ଖେଳାଳି ବୋଲି କହିଛନ୍ତି । ମାହିଙ୍କ ସନ୍ୟାସ ପରେ ହିଟମ୍ୟାନ ଟ୍ବିଟ କରି ଧୋନିଙ୍କୁ ନୀଳ ଜର୍ସିରେ ମିସ୍ କରିବେ ବୋଲି କହିଛନ୍ତି ।
ରୋହିତ ଟ୍ବିଟ କରି କହିଛନ୍ତି ଯେ, ଭାରତୀୟ କ୍ରିକେଟ ଇତିହାସରେ ପ୍ରଭାବଶାଳୀ ବ୍ୟକ୍ତିମାନଙ୍କ ମଧ୍ୟରେ ସେ ଜଣେ । କ୍ରିକେଟରେ ତାଙ୍କର ପ୍ରଭାବ ବହୁତ ପଡିଛି । ତାଙ୍କୁ ଜଣାଥିଲା କିପରି ଟିମ ବନାଯାଏ । ତାଙ୍କୁ ବ୍ଲୁ ଜର୍ସିରେ ମିସ୍ କରିବି । କିନ୍ତୁ ସେ ଆମ ସହ ହଳଦିଆ ଜର୍ସିରେ ଅଛନ୍ତି । 19ସେପ୍ଟେମ୍ବର ଟସ ସମୟରେ ଭେଟ ହେବା ।
ରୋହିତ ଶର୍ମା 19ସେପ୍ଟେମ୍ବରରେ ୟୁଏଇରେ ହେବାକୁ ଥିବା ଆଇପିଏଲ କଥା କହିଛନ୍ତି । ଧୋନି ସିଏସକେ ଟିମର ଅଧିନାୟକ ଅଟନ୍ତି । ସୂଚନାଥାଉକି, ମାହି ଗତ ଶନିବାର ଦିନ ଅନ୍ତରାଷ୍ଟ୍ରୀୟ କ୍ରିକେଟରୁ ସନ୍ୟାସ ନେଇଛନ୍ତି । ଏହା ପରେ ପରେ ସୁରେଶ ରୈନା ବି ଇଣ୍ଟରନ୍ୟାସନାଲ କ୍ରିକେଟକୁ ଅଲବିଦା କହିଛନ୍ତି ।
ତେବେ ରୈନାଙ୍କ ସନ୍ୟାସ ଖବର ରୋହିତ ଶର୍ମାଙ୍କୁ ବେଶ୍ ଆଚମ୍ବିତ କରିଥିବା ସେ ଟ୍ବିଟ କରି କହିଛନ୍ତି । ଆଉ ମଧ୍ୟ ସେ କହିଛନ୍ତି ଯେ, ଯେବେ ଟିମକୁ ଆସିଥିଲେ ସେ ଦିନର କଥା ଏବେ ବି ମନେ ଅଛି । ଭବିଷ୍ୟତ ପାଇଁ ଶୁଭକାମନା ।
ଷ୍ଟାର ବ୍ୟାଟ୍ସମ୍ୟାନ ସୁରେଶ ରୈନା ନିଜର ଅନ୍ତିମ ଅନ୍ତରାଷ୍ଟ୍ରୀୟ ମ୍ୟାଚ ଇଂଲଣ୍ଡ ବିପକ୍ଷରେ 2018ରେ ଖେଳିଥିଲେ ।
