ନୂଆଦିଲ୍ଲୀ: ସଚିନ ତେନ୍ଦୁଲକର ଓ ଭିଭିଏସ ଲକ୍ଷ୍ମଣଙ୍କୁ ବିସିସିଆଇ ସମନ କରିଛି । ବିସିସିଆଇ ସିଇଓ ରାହୁଲ ଜୋରୀ ଏହି ସମନ କରିଛନ୍ତି ।
ଦିଲ୍ଲୀରେ ମେ 14ରେ ଉଭୟଙ୍କୁ ବିସିସିଆଇର ଲୋକପାଳଙ୍କ ପାଖରେ ହାଜର ହେବାକୁ ନିର୍ଦ୍ଦେଶ ରହିଛି । ସମୟ ଓ ସ୍ଥାନ ପରବର୍ତ୍ତୀ ନୋଟିସରେ ଜଣାଇ ଦିଆଯିବ ବୋଲି କୁହାଯାଇଛି । ସିଏସି, ବିସିସିଆଇର ଏକ ସବ କମିଟି ବୋଲି ସ୍ପଷ୍ଟ କରାଯାଇଛି ।
ସଚିନ ଓ ଲକ୍ଷ୍ଣଣଙ୍କ ଉପରେ କନଫ୍ଲିକ୍ଟ ଅଫ ଇଣ୍ଟରେଷ୍ଟର ଆରୋପ ରହିଛି । ସଚିନ ଓ ଲକ୍ଷ୍ଣଣ କ୍ରିକେଟ ଆଡଭାଇଜରୀ କମିଟିର ସଦସ୍ୟ ଅଛନ୍ତି । ତେବେ ଏହି ପଦରେ ଥାଇ କିପରି ଆଇପିଏଲ ଫ୍ରାଞ୍ଚାଇଜ ସହିତ ଅଛନ୍ତି ତାକୁ ନେଇ ପ୍ରଶ୍ନ ଉଠିଛି ।
ସଚିନ ମୁମ୍ବାଇ ଇଣ୍ଡିଆନ୍ସର ମେଣ୍ଟର ବା ପରାମର୍ଶଦାତା ଭାବେ କାର୍ଯ୍ୟ କରିବାର ଅଭିଯୋଗ ହୋଇଛି । ଲକ୍ଷ୍ମଣ ମଧ୍ୟ ସନରାଇଜର୍ସ ହାଇଦ୍ରାବାଦ ଦଳ ସହିତ ଅଛନ୍ତି ।
ସେପଟେ ଭାରତୀୟ ଦଳର ଦୁଇ ପୂର୍ବତନ ଖେଳାଳି ଏହି ଅଭିଯୋଗକୁ ଖଣ୍ଡନ କରିବା ସହ ବିସିସିଆଇକୁ ଦାୟୀ କରିଥିଲେ ।
