ଦୁବାଇ: ଭାରତୀୟ କ୍ରିକେଟ ଟିମ ରବିବାର ଦିନ ମାଉଣ୍ଟ ମାଉଙ୍ଗାନୁଇରେ ନ୍ୟୁଜିଲାଣ୍ଡ ବିପକ୍ଷରେ ଟି-20 ସିରିଜର ଅନ୍ତିମ ମ୍ୟାଚ ଖେଳିଛି । ତେବେ ଏହି ମ୍ୟାଚରେ ଧୀମା ଓଭର ବୋଲିଂ କାରଣରୁ ଟିମ୍ର 20ପ୍ରତିଶତ ମ୍ୟାଚ ଫି କାଟ୍ କରିଛି ଆଇସିସି ।
ମ୍ୟାଚ ରେଫରୀ କ୍ରିସ ବୋର୍ଡ ଏହି ମ୍ୟାଚରେ ସମୟ ସୀମା ଭିତରେ ଓଭର ନପକାଇବା କାରଣରୁ ଭାରତୀୟ ଟିମ ଉପରେ ଜୋରିମାନ ଲଗାଇଛନ୍ତି । ଭାରତୀୟ ଟିମ ନିର୍ଦ୍ଧାରିତ ସମୟ ସୀମାରେ ଗୋଟିଏ ଓଭର କମ୍ ବୋଲିଂ କରିଥିଲା ।
ତେବେ ରୋହିତ ନଜର ଭୁଲ୍ ସ୍ବୀକାର କରିଛନ୍ତି । ତେଣୁ ଆଗକୁ କୌଣସି ଔପଚାରିକ ଶୁଣାଣିର ଆବଶ୍ୟକତା ପଡିବ ନାହିଁ । ଆଇସିସି ଆଚାର ସଂହିତା ଅନୁଚ୍ଛେଦ 2.22 ଅନୁସାରେ ନିର୍ଦ୍ଧାରିତ ସମୟରେ ଓଭର ନ ପକାଇବା କାରଣରୁ ପ୍ରତି ଓଭର ହିସାବରେ ଖେଳାଳିଙ୍କ 20 ପ୍ରତିଶତ ଜୋରିମାନା ଲାଗେ ।
ସୂଚନାଥାଉକି, ଶୁକ୍ରାବାର 4ର୍ଥ ଟି-20 ମ୍ୟାଚରେ ଭାରତୀୟ ବୋଲର ନିର୍ଦ୍ଧାରିତ ସମୟ ସୀମାରେ 2 ଓଭର କମ୍ ବୋଲିଂ କରିଥିଲେ । ଫଳରେ ଟିମ୍ ଇଣ୍ଡିଆର 40 ପ୍ରତିଶତ ମ୍ୟାଚ ଫି' କାଟିଥିଲା ଆଇସିସି ।
