ମେଲବର୍ଣ୍ଣ: ନ୍ୟୁଜିଲାଣ୍ଡର ବୋଲର ନେଲ ଓ୍ବାଗନର ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ନିଜ ଟେଷ୍ଟ କ୍ୟାରିଅରର 200 ଓ୍ବିକେଟ ହାସଲ କରିଛନ୍ତି । ଓ୍ବାଗନର 46ତମ ଟେଷ୍ଟ ମ୍ୟାଚରେ ଏହି କୀର୍ତ୍ତି ଅର୍ଜନ କରିଛନ୍ତି । ନ୍ୟୁଜିଲାଣ୍ଡ ପାଇଁ ସେ ଦ୍ରୁତତମ ଭାବେ 200 ଓ୍ବିକେଟ ହାସଲ କରିଥିବା 2ୟ ବୋଲର ଭାବେ ରେକର୍ଡ କରିଛନ୍ତି । ଏହା ପୂର୍ବରୁ ରିଚାର୍ଡ ହେଡଲୀ ଏହି ରେକର୍ଡ କରିଥିଲେ । ହେଡଲୀ 44ଟି ଟେଷ୍ଟ ମ୍ୟାଚରେ 200ଟି ଓ୍ବିକେଟ ହାସଲ କରିଛନ୍ତି ।
ତେବେ ଓ୍ବାଗନର ଏହି ରେକର୍ଡ ମେଲବର୍ଣ୍ଣ ଗ୍ରାଉଣ୍ଡରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଉଥିବା 2ୟ ଟେଷ୍ଟ ମ୍ୟାଚରେ ଷ୍ଟିଭ ସ୍ମିଥଙ୍କ ଓ୍ବିକେଟ ନେଇ ହାସଲ କରିଛନ୍ତି ।
ତେବେ ଟେଷ୍ଟ ମ୍ୟାଚରେ 200 ଓ୍ବିକେଟ ହାସଲ କରିଥିବା ଓ୍ବାଗନରଙ୍କ ପଛରେ ଟ୍ରେଣ୍ଟ ବୋଲ୍ଟ ରହିଛନ୍ତି । ଟ୍ରେଣ୍ଟ 52ଟିମ୍ୟାଚରେ 200 ଓ୍ବିକେଟ ହାସଲ କରିଥିଲେ ।
