ଶ୍ରୀନଗର: ଜମ୍ମୁ-କାଶ୍ମୀର ଉପ-ରାଜ୍ୟପାଳ ମନୋଜ ସିହ୍ନା ମଙ୍ଗଳବାର କ୍ରିକେଟର ଅବଦୁଲ ସମାଦଙ୍କୁ ଆଇପିଏଲ ଡେବ୍ୟୁ ପାଇଁ ଶୁଭେଚ୍ଛା ଜଣାଇଛନ୍ତି । ସନରାଇଜର୍ସ ହାଇଦ୍ରାବାଦ, ଅଲରାଉଣ୍ଡର ସମାଦଙ୍କୁ ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚରେ ଚୁଡାନ୍ତ ଏକାଦଶରେ ସାମିଲ କରିଛି ।
ଲେପ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା ଜମ୍ମୁ-କାଶ୍ମୀର ଯୁବ କ୍ରିକେଟର ଅବଦୁଲ ସମାଦଙ୍କୁ ଆଇପିଏଲ ଡେବ୍ୟୁ ପାଇଁ ଟ୍ବିଟ ଯୋଗେଁ ଶୁଭେଚ୍ଛା ଜଣାଇଛନ୍ତି । ଟୁର୍ଣ୍ଣାମେଣ୍ଟରେ ସଫଳତା କାମନା କରିବା ସହ ଆଗାମୀ କ୍ରିକେଟ କ୍ୟାରିୟର ଉଜ୍ଜଳମୟ ହେଉ ବୋଲି କହିଛନ୍ତି ।
ଆଇପିଏଲର 11ତମ ମ୍ୟାଚ ଆବୁଧାବିରେ, ଦିଲ୍ଲୀ କ୍ୟାପିଟାଲ୍ସ ଓ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯାଉଛି । ପ୍ରଥମେ ବ୍ୟାଟିଂ କରି 162 ରନ ସଂଗ୍ରହ କରିଛି ହାଇଦ୍ରାବାଦ । ଫଳରେ ଦିଲ୍ଲୀ ସାମ୍ନାରେ 163 ରନର ବିଜୟ ଲକ୍ଷ୍ୟ ରହିଛି ।
ସମାଦ 7ଟ ବଲରୁ ଅପରାଜିତ 12 ରନ କରିଥିଲେ । ଏହା ମଧ୍ୟରେ ଗୋଟିଏ ଛକା ଓ ଗୋଟିଏ ଚୌକା ସାମିଲ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
